वो हो इलाज-ए-दर्द मुदावा कहें जिसे
ऐसा तो हो कोई कि मसीहा कहें जिसे
पुर्सान-ए-हाल कोई नहीं जिस का नाम लें
इक दर्द दिल ही है कि शनासा कहें जिसे
मुश्किल ये है कि आप तो सुनते ही कुछ नहीं
रूदाद-ए-इश्क़ वो कि फ़साना कहें जिसे
जल्वे से देखिए कहीं आँखें झपक न जाएँ
यूँ चश्म वा हो ज़ौक़-ए-तमाशा कहें जिसे
अल्लाह ऐसी दे तुझे तौफ़ीक़ ऐ जुनूँ
सर में वो धुन समाए कि सौदा कहें जिसे
सब हसरतों को ख़ाक में ज़ालिम मिला दिया
अब दिल में क्या रहा कि तमन्ना कहें जिसे
ये बार-ए-ज़िंदगी कहीं हल्का न 'शौक़' हो
इतना तो हो कि हासिल-ए-दुनिया कहें जिसे
vo ho ilāj-e-dard mudāvā kaheñ jise
aisā to ho koī ki masīhā kaheñ jise
pursān-e-hāl koī nahīñ jis kā naam leñ
ik dard dil hī hai ki shanāsā kaheñ jise
mushkil ye hai ki aap to sunte hī kuchh nahīñ
rūdād-e-ishq vo ki fasāna kaheñ jise
jalve se dekhiye kahīñ āñkheñ jhapak na jaa.eñ
yuuñ chashm vā ho zauq-e-tamāshā kaheñ jise
allāh aisī de tujhe taufīq ai junūñ
sar meñ vo dhun samā.e ki saudā kaheñ jise
sab hasratoñ ko ḳhaak meñ zālim milā diyā
ab dil meñ kyā rahā ki tamannā kaheñ jise
ye bār-e-zindagī kahīñ halkā na 'shauq' ho
itnā to ho ki hāsil-e-duniyā kaheñ jise
وہ ہو علاج درد مداوا کہیں جسے
ایسا تو ہو کوئی کہ مسیحا کہیں جسے
پرسان حال کوئی نہیں جس کا نام لیں
اک درد دل ہی ہے کہ شناسا کہیں جسے
مشکل یہ ہے کہ آپ تو سنتے ہی کچھ نہیں
روداد عشق وہ کہ فسانہ کہیں جسے
جلوے سے دیکھیے کہیں آنکھیں جھپک نہ جائیں
یوں چشم وا ہو ذوق تماشا کہیں جسے
اللہ ایسی دے تجھے توفیق اے جنوں
سر میں وہ دھن سمائے کہ سودا کہیں جسے
سب حسرتوں کو خاک میں ظالم ملا دیا
اب دل میں کیا رہا کہ تمنا کہیں جسے
یہ بار زندگی کہیں ہلکا نہ شوقؔ ہو
اتنا تو ہو کہ حاصل دنیا کہیں جسے