दिल बहलने का जहाँ में कोई सामाँ न हुआ
अपना हमदर्द कभी 'आलम-ए-इम्काँ न हुआ
शिकवा-ए-हिज्र न भूले से भी आया लब पर
रू-ब-रू उन के मैं ख़ुद-कर्दा पशेमाँ न हुआ
हम-नशीं पूछ न हाल-ए-दिल-ए-नाकाम-ए-अज़ल
यही हसरत रही पूरा कोई अरमाँ न हुआ
बे-ख़ुदी में ये है 'आलम तिरे दीवानों का
फ़स्ल-ए-गुल आई मगर चाक गरेबाँ न हुआ
कोई क्या जाने कि क्या लुत्फ़ ख़लिश है हासिल
मेरा ही दिल है कि मिन्नत-कश-ए-दरमाँ न हुआ
यूँ तो हमदर्द ज़माना था ब-ज़ाहिर लेकिन
किसी सूरत से इलाज-ए-ग़म-ए-पिन्हाँ न हुआ
बे-धड़क जाने की हिम्मत न हुई महशर में
मुँह छुपाने के लिए दस्त-ब-दामाँ न हुआ
दिल बहलता भी तो किस तरह बहलता शब-ए-ग़म
साज़-ओ-सामाँ न हुआ नग़्मा-ए-हिर्मां न हुआ
पुर्सिश-ए-हाल पे आँखों में भर आए आँसू
ऐसे मजबूर हुए ज़ब्त भी आसाँ न हुआ
ज़र्रे ज़र्रे से 'अयाँ हुस्न की रा'नाई है
वो हसीं तू है कि पर्दों में भी पिन्हाँ न हुआ
मैं था मुश्ताक़ तिरे जल्वे का ऐ माया-ए-हुस्न
रह के पर्दे में भी तो शो'ला-ए-उर्यां न हुआ
चैन से क़ैद त'अय्युन में बसर की ऐ 'शौक़'
दिल भी जम'इय्यत-ए-ख़ातिर से परेशाँ न हुआ
dil bahalne kā jahāñ meñ koī sāmāñ na huā
apnā hamdard kabhī 'ālam-e-imkāñ na huā
shikva-e-hijr na bhūle se bhī aayā lab par
rū-ba-rū un ke maiñ ḳhud-karda pashemāñ na huā
ham-nashīñ pūchh na hāl-e-dil-e-nākām-e-azal
yahī hasrat rahī puurā koī armāñ na huā
be-ḳhudī meñ ye hai 'ālam tire dīvānoñ kā
fasl-e-gul aa.ī magar chaak garebāñ na huā
koī kyā jaane ki kyā lutf ḳhalish hai hāsil
merā hī dil hai ki minnat-kash-e-darmāñ na huā
yuuñ to hamdard zamāna thā ba-zāhir lekin
kisī sūrat se ilāj-e-ġham-e-pinhāñ na huā
be-dhaḌak jaane kī himmat na huī mahshar meñ
muñh chhupāne ke liye dast-ba-dāmāñ na huā
dil bahaltā bhī to kis tarah bahaltā shab-e-ġham
sāz-o-sāmāñ na huā naġhma-e-hirmāñ na huā
pursish-e-hāl pe āñkhoñ meñ bhar aa.e aañsū
aise majbūr hue zabt bhī āsāñ na huā
zarre zarre se 'ayāñ husn kī rā'nā.ī hai
vo hasīñ tū hai ki pardoñ meñ bhī pinhāñ na huā
maiñ thā mushtāq tire jalve kā ai māya-e-husn
rah ke parde meñ bhī to sho.ala-e-uryāñ na huā
chain se qaid ta'ayyun meñ basar kī ai 'shauq'
dil bhī jam'iyyat-e-ḳhātir se pareshāñ na huā
دل بہلنے کا جہاں میں کوئی ساماں نہ ہوا
اپنا ہمدرد کبھی عالم امکاں نہ ہوا
شکوۂ ہجر نہ بھولے سے بھی آیا لب پر
روبرو ان کے میں خود کردہ پشیماں نہ ہوا
ہم نشیں پوچھ نہ حال دل ناکام ازل
یہی حسرت رہی پورا کوئی ارماں نہ ہوا
بے خودی میں یہ ہے عالم ترے دیوانوں کا
فصل گل آئی مگر چاک گریباں نہ ہوا
کوئی کیا جانے کہ کیا لطف خلش ہے حاصل
میرا ہی دل ہے کہ منت کش درماں نہ ہوا
یوں تو ہمدرد زمانہ تھا بظاہر لیکن
کسی صورت سے علاج غم پنہاں نہ ہوا
بے دھڑک جانے کی ہمت نہ ہوئی محشر میں
منہ چھپانے کے لیے دست بہ داماں نہ ہوا
دل بہلتا بھی تو کس طرح بہلتا شب غم
ساز و ساماں نہ ہوا نغمۂ حرماں نہ ہوا
پرسش حال پہ آنکھوں میں بھر آئے آنسو
ایسے مجبور ہوئے ضبط بھی آساں نہ ہوا
ذرہ ذرہ سے عیاں حسن کی رعنائی ہے
وہ حسیں تو ہے کہ پردوں میں بھی پنہاں نہ ہوا
میں تھا مشتاق ترے جلوے کا اے مایۂ حسن
رہ کے پردہ میں بھی تو شعلۂ عریاں نہ ہوا
چین سے قید تعین میں بسر کی اے شوقؔ
دل بھی جمعیت خاطر سے پریشاں نہ ہوا