दिल से पूछो क्या हुआ था और क्यूँ ख़ामोश था
आँख महव-ए-दीद थी इतना मुझे बस होश था
वो भी क्या तासीर थी जिस ने हिलाए सब के दिल
क्या बताऊँ वो मिरा ही नाला-ए-पुर-जोश था
महफ़िल-ए-साक़ी में था कुछ और ही मस्तों का रंग
कोई साग़र ढूँढता था और कोई बेहोश था
क्या 'अजब है जाएज़ा ले मय-परस्तों का कोई
याद रखना साक़िया मुझ सा भी इक मय-नोश था
क्या समझ सकता था कोई तेरे दीवाने की चुप
जब किसी ने उस से कुछ पूछा तो बस ख़ामोश था
बे-ख़ुदी से नश्शा-ए-जाम-ए-ख़ुदी उतरा तो फिर
एक ही साग़र मिला ऐसा कि मैं मदहोश था
इक हमीं को साक़िया पूछा न तू ने दौर मैं
वर्ना मय-ख़ाने में तेरे शोर नोशा-नोश था
किस क़दर था इश्तियाक़-ए-मंज़िल-ए-मक़्सूद उसे
मरने वाले का जनाज़ा आज दोशा-दोश था
ज़िंदगी-भर के गुनाहों से ये थी शर्म ऐ अजल
तारिक-ए-हस्ती यहाँ से जब चला रू-पोश था
ग़ुंचे क्यूँ ख़ामोश आए गुलशन-ए-हस्ती में 'शौक़'
मौसम-ए-गुल से मगर ख़ौफ़-ए-ख़िज़ाँ हम-दोश था
dil se pūchho kyā huā thā aur kyuuñ ḳhāmosh thā
aañkh mahv-e-dīd thī itnā mujhe bas hosh thā
vo bhī kyā tāsīr thī jis ne hilā.e sab ke dil
kyā batā.ūñ vo mirā hī nāla-e-pur-josh thā
mahfil-e-sāqī meñ thā kuchh aur hī mastoñ kā rang
koī sāġhar DhūñDhtā thā aur koī behosh thā
kyā 'ajab hai jā.eza le mai-parastoñ kā koī
yaad rakhnā sāqiyā mujh sā bhī ik mai-nosh thā
kyā samajh saktā thā koī tere dīvāne kī chup
jab kisī ne us se kuchh pūchhā to bas ḳhāmosh thā
be-ḳhudī se nashsha-e-jām-e-ḳhudī utrā to phir
ek hī sāġhar milā aisā ki maiñ mad.hosh thā
ik hamīñ ko sāqiyā pūchhā na tū ne daur maiñ
varna mai-ḳhāne meñ tere shor noshā-nosh thā
kis qadar thā ishtiyāq-e-manzil-e-maqsūd use
marne vaale kā janāza aaj doshā-dosh thā
zindagī-bhar ke gunāhoñ se ye thī sharm ai ajal
tārik-e-hastī yahāñ se jab chalā rū-posh thā
ġhunche kyuuñ ḳhāmosh aa.e gulshan-e-hastī meñ 'shauq'
mausam-e-gul se magar ḳhauf-e-ḳhizāñ ham-dosh thā
دل سے پوچھو کیا ہوا تھا اور کیوں خاموش تھا
آنکھ محو دید تھی اتنا مجھے بس ہوش تھا
وہ بھی کیا تاثیر تھی جس نے ہلائے سب کے دل
کیا بتاؤں وہ مرا ہی نالۂ پر جوش تھا
محفل ساقی میں تھا کچھ اور ہی مستوں کا رنگ
کوئی ساغر ڈھونڈھتا تھا اور کوئی بے ہوش تھا
کیا عجب ہے جائزہ لے مے پرستوں کا کوئی
یاد رکھنا ساقیا مجھ سا بھی اک مے نوش تھا
کیا سمجھ سکتا تھا کوئی تیرے دیوانے کی چپ
جب کسی نے اس سے کچھ پوچھا تو بس خاموش تھا
بے خودی سے نشۂ جام خودی اترا تو پھر
ایک ہی ساغر ملا ایسا کہ میں مدہوش تھا
اک ہمیں کو ساقیا پوچھا نہ تو نے دور میں
ورنہ مے خانہ میں تیرے شور نوشا نوش تھا
کس قدر تھا اشتیاق منزل مقصود اسے
مرنے والے کا جنازہ آج دوشا دوش تھا
زندگی بھر کے گناہوں سے یہ تھی شرم اے اجل
تارک ہستی یہاں سے جب چلا روپوش تھا
غنچے کیوں خاموش آئے گلشن ہستی میں شوقؔ
موسم گل سے مگر خوف خزاں ہم دوش تھا