दिल में अगर न इश्क़-ओ-मोहब्बत की चाह हो
नाला न दर्द हो न फ़ुग़ाँ हो न आह हो
रुस्वा न ए'तिबार-ए-तग़ाफ़ुल को कीजिए
क्या फ़ाएदा कि पुर्सिश-ए-दिल गाह गाह हो
दुश्मन से पूछता हूँ निशान-ए-हरीम-ए-नाज़
मेरी तरह से कोई न गुम-कर्दा-राह हो
राह-ए-जुनूँ में मुझ को किसी से नहीं है काम
बस मैं हूँ और इक दिल-ए-शोरिश-पनाह हो
कर अब तू फ़िक्र हुस्न-ए-अमल कूच है क़रीब
रस्ता कठिन है साथ में कुछ ज़ाद-ए-राह हो
तौहीन-ए-शान अफ़्व है इस्याँ से इज्तिनाब
या'नी गुनाहगार है जो बे-गुनाह हो
दुनिया में ऐसे लोगों से पाला पड़े न 'शौक़'
ज़ाहिर हो जिन का साफ़ तो बातिन सियाह हो
dil meñ agar na ishq-o-mohabbat kī chaah ho
naala na dard ho na fuġhāñ ho na aah ho
rusvā na e.atibār-e-taġhāful ko kījiye
kyā fā.eda ki pursish-e-dil gaah gaah ho
dushman se pūchhtā huuñ nishān-e-harīm-e-nāz
merī tarah se koī na gum-karda-rāh ho
rāh-e-junūñ meñ mujh ko kisī se nahīñ hai kaam
bas maiñ huuñ aur ik dil-e-shorish-panāh ho
kar ab tū fikr husn-e-amal kuuch hai qarīb
rasta kaThin hai saath meñ kuchh zād-e-rāh ho
tauhīn-e-shān afv hai isyāñ se ijtināb
ya.anī gunāhgār hai jo be-gunāh ho
duniyā meñ aise logoñ se paalā paḌe na 'shauq'
zāhir ho jin kā saaf to bātin siyāh ho
دل میں اگر نہ عشق و محبت کی چاہ ہو
نالہ نہ درد ہو نہ فغاں ہو نہ آہ ہو
رسوا نہ اعتبار تغافل کو کیجیے
کیا فائدہ کہ پرسش دل گاہ گاہ ہو
دشمن سے پوچھتا ہوں نشان حریم ناز
میری طرح سے کوئی نہ گم کردہ راہ ہو
راہ جنوں میں مجھ کو کسی سے نہیں ہے کام
بس میں ہوں اور اک دل شورش پناہ ہو
کر اب تو فکر حسن عمل کوچ ہے قریب
رستہ کٹھن ہے ساتھ میں کچھ زاد راہ ہو
توہین شان عفو ہے عصیاں سے اجتناب
یعنی گناہ گار ہے جو بے گناہ ہو
دنیا میں ایسے لوگوں سے پالا پڑے نہ شوقؔ
ظاہر ہو جن کا صاف تو باطن سیاہ ہو