वीरान सराए का दिया है
जो कौन-ओ-मकाँ में जल रहा है
ये कैसी बिछड़ने की सज़ा है
आईने में चेहरा रख गया है
ख़ुर्शीद मिसाल शख़्स कल शाम
मिट्टी के सुपुर्द कर दिया है
तुम मर गए हौसला तुम्हारा
ज़िंदा हूँ ये मेरा हौसला है
अंदर भी ज़मीं के रौशनी हो
मिट्टी में चराग़ रख दिया है
मैं कौन सा ख़्वाब देखता हूँ
ये कौन से मुल्क की फ़ज़ा है
वो कौन सा हाथ है कि जिस ने
मुझ आग को ख़ाक से लिखा है
रक्खा था ख़ला में पाँव मैं ने
रस्ते में सितारा आ गया है
शायद कि ख़ुदा में और मुझ में
इक जस्त का और फ़ासला है
गर्दिश में हैं कितनी काएनातें
बच्चा मिरा पाँव चल रहा है
vīrān sarā.e kā diyā hai
jo kaun-o-makāñ meñ jal rahā hai
ye kaisī bichhaḌne kī sazā hai
ā.īne meñ chehra rakh gayā hai
ḳhurshīd misāl shaḳhs kal shaam
miTTī ke supurd kar diyā hai
tum mar ga.e hausla tumhārā
zinda huuñ ye merā hausla hai
andar bhī zamīñ ke raushnī ho
miTTī meñ charāġh rakh diyā hai
maiñ kaun sā ḳhvāb dekhtā huuñ
ye kaun se mulk kī fazā hai
vo kaun sā haath hai ki jis ne
mujh aag ko ḳhaak se likhā hai
rakkhā thā ḳhalā meñ paañv maiñ ne
raste meñ sitāra aa gayā hai
shāyad ki ḳhudā meñ aur mujh meñ
ik jast kā aur fāsla hai
gardish meñ haiñ kitnī kā.enāteñ
bachcha mirā paañv chal rahā hai
ویران سرائے کا دیا ہے
جو کون و مکاں میں جل رہا ہے
یہ کیسی بچھڑنے کی سزا ہے
آئینے میں چہرہ رکھ گیا ہے
خورشید مثال شخص کل شام
مٹی کے سپرد کر دیا ہے
تم مر گئے حوصلہ تمہارا
زندہ ہوں یہ میرا حوصلہ ہے
اندر بھی زمیں کے روشنی ہو
مٹی میں چراغ رکھ دیا ہے
میں کون سا خواب دیکھتا ہوں
یہ کون سے ملک کی فضا ہے
وہ کون سا ہاتھ ہے کہ جس نے
مجھ آگ کو خاک سے لکھا ہے
رکھا تھا خلا میں پاؤں میں نے
رستے میں ستارہ آ گیا ہے
شاید کہ خدا میں اور مجھ میں
اک جست کا اور فاصلہ ہے
گردش میں ہیں کتنی کائناتیں
بچہ مرا پاؤں چل رہا ہے