वक़्त के दर पर भी है बहुत कुछ वक़्त के दर से आगे भी
शाम-ओ-सहर के साथ भी चलिए शाम-ओ-सहर से आगे भी
अक़्ल-ओ-ख़िरद के हंगामों में शौक़ का दामन छूट न जाए
शौक़ बशर को ले जाता है अक़्ल-ए-बशर से आगे भी
दार-ओ-रसन की रेशा-दवानी गर्दन-ओ-सर तक रहती है
अहल-ए-जुनूँ का पाँव रहा है गर्दन-ओ-सर से आगे भी
मेरे घर को आग लगा कर हम-सायों को हँसने दो
शोले बढ़ कर जा पहुँचेंगे मेरे घर से आगे भी
इश्क़ ने राह-ए-वफ़ा समझाई समझाने के ब'अद कहा
वक़्त पड़ा तो जाना होगा राहगुज़र से आगे भी
शाएर फ़िक्र-ओ-नज़र का मालिक दिल का सुल्ताँ घर का फ़क़ीर
दुनिया का पामाल क़दम भी दुनिया भर से आगे भी
आँखें जो कुछ देख रही हैं उस से धोका खाएँ क्या
दिल तो 'आजिज़' देख रहा है हद्द-ए-नज़र से आगे भी
vaqt ke dar par bhī hai bahut kuchh vaqt ke dar se aage bhī
shām-o-sahar ke saath bhī chaliye shām-o-sahar se aage bhī
aql-o-ḳhirad ke hañgāmoñ meñ shauq kā dāman chhūT na jaa.e
shauq bashar ko le jaatā hai aql-e-bashar se aage bhī
dār-o-rasan kī resha-davānī gardan-o-sar tak rahtī hai
ahl-e-junūñ kā paañv rahā hai gardan-o-sar se aage bhī
mere ghar ko aag lagā kar ham-sāyoñ ko hañsne do
sho.ale baḌh kar jā pahuñcheñge mere ghar se aage bhī
ishq ne rāh-e-vafā samjhā.ī samjhāne ke ba.ad kahā
vaqt paḌā to jaanā hogā rāhguzar se aage bhī
shā.er fikr-o-nazar kā mālik dil kā sultāñ ghar kā faqīr
duniyā kā pāmāl qadam bhī duniyā bhar se aage bhī
āñkheñ jo kuchh dekh rahī haiñ us se dhokā khā.eñ kyā
dil to 'ājiz' dekh rahā hai hadd-e-nazar se aage bhī
وقت کے در پر بھی ہے بہت کچھ وقت کے در سے آگے بھی
شام و سحر کے ساتھ بھی چلئے شام و سحر سے آگے بھی
عقل و خرد کے ہنگاموں میں شوق کا دامن چھوٹ نہ جائے
شوق بشر کو لے جاتا ہے عقل بشر سے آگے بھی
دار و رسن کی ریشہ داوانی گردن و سر تک رہتی ہے
اہل جنوں کا پاؤں رہا ہے گردن و سر سے آگے بھی
میرے گھر کو آگ لگا کر ہم سایوں کو ہنسنے دو
شعلے بڑھ کر جا پہنچیں گے میرے گھر سے آگے بھی
عشق نے راہ وفا سمجھائی سمجھانے کے بعد کہا
وقت پڑا تو جانا ہوگا راہ گزر سے آگے بھی
شاعر فکر و نظر کا مالک دل کا سلطاں گھر کا فقیر
دنیا کا پامال قدم بھی دنیا بھر سے آگے بھی
آنکھیں جو کچھ دیکھ رہی ہیں اس سے دھوکا کھائیں کیا
دل تو عاجزؔ دیکھ رہا ہے حد نظر سے آگے بھی