वक़्त का दामन तंग है लेकिन मेरा दामन तंग नहीं
धूप के डर से जो उड़ जाए रंग वो मेरा रंग नहीं
बेदारी का 'आलम मुझ को ख़्वाब का मौसम लगता है
हैरत है आज उन हाथों में आईना है संग नहीं
बहने वाला सड़कों पर ये किस का लहू है मेरा है
मैं तो अपना क़ातिल ख़ुद हूँ ग़ैर से मेरी जंग नहीं
चीख़ उठेंगे सारे पर्बत तेशा कोई लाए तो
ऐसा कौन सा पत्थर है जिस पत्थर में आहंग नहीं
जब तक उस के क़ुर्ब की ख़ुशबू हासिल थी मैं ज़िंदा था
वो जो नहीं तो यूँ लगता है कोई भी मेरे संग नहीं
पहले अपने क़द को देखें फिर मुझ पर तन्क़ीद करें
उन का ज़िक्र भी क्यों करते हो जो मेरे पासंग नहीं
होंटों पर कुछ लफ़्ज़ शिकस्ता जुमले भी बे-रब्त 'ए'जाज़'
दिल की बात सुनाऊँ कैसे कहने का भी ढंग नहीं
vaqt kā dāman tang hai lekin merā dāman tang nahīñ
dhuup ke Dar se jo uḌ jaa.e rang vo merā rang nahīñ
bedārī kā 'ālam mujh ko ḳhvāb kā mausam lagtā hai
hairat hai aaj un hāthoñ meñ ā.īna hai sang nahīñ
bahne vaalā saḌkoñ par ye kis kā lahū hai merā hai
maiñ to apnā qātil ḳhud huuñ ġhair se merī jang nahīñ
chīḳh uTheñge saare parbat tesha koī laa.e to
aisā kaun sā patthar hai jis patthar meñ āhang nahīñ
jab tak us ke qurb kī ḳhushbū hāsil thī maiñ zinda thā
vo jo nahīñ to yuuñ lagtā hai koī bhī mere sang nahīñ
pahle apne qad ko dekheñ phir mujh par tanqīd kareñ
un kā zikr bhī kyoñ karte ho jo mere pāsang nahīñ
hoñToñ par kuchh lafz shikasta jumle bhī be-rabt 'e'jāz'
dil kī baat sunā.ūñ kaise kahne kā bhī Dhang nahīñ
وقت کا دامن تنگ ہے لیکن میرا دامن تنگ نہیں
دھوپ کے ڈر سے جو اڑ جائے رنگ وہ میرا رنگ نہیں
بیداری کا عالم مجھ کو خواب کا موسم لگتا ہے
حیرت ہے آج ان ہاتھوں میں آئینہ ہے سنگ نہیں
بہنے والا سڑکوں پر یہ کس کا لہو ہے میرا ہے
میں تو اپنا قاتل خود ہوں غیر سے میری جنگ نہیں
چیخ اٹھیں گے سارے پربت تیشہ کوئی لائے تو
ایسا کون سا پتھر ہے جس پتھر میں آہنگ نہیں
جب تک اس کے قرب کی خوشبو حاصل تھی میں زندہ تھا
وہ جو نہیں تو یوں لگتا ہے کوئی بھی میرے سنگ نہیں
پہلے اپنے قد کو دیکھیں پھر مجھ پر تنقید کریں
ان کا ذکر بھی کیوں کرتے ہو جو میرے پاسنگ نہیں
ہونٹوں پر کچھ لفظ شکستہ جملے بھی بے ربط اعجازؔ
دل کی بات سناؤں کیسے کہنے کا بھی ڈھنگ نہیں