हवा के वास्ते इक काम छोड़ आया हूँ
दिया जला के सर-ए-शाम छोड़ आया हूँ
कभी नसीब हो फ़ुर्सत तो उस को पढ़ लेना
वो एक ख़त जो तिरे नाम छोड़ आया हूँ
हवा-ए-दश्त-ओ-बयाँबाँ भी मुझ से बरहम है
मैं अपने घर के दर-ओ-बाम छोड़ आया हूँ
कोई चराग़ सर-ए-रहगुज़र नहीं न सही
मैं नक़्श-ए-पा को बहर-गाम छोड़ आया हूँ
अभी तो और बहुत उस पे तब्सिरे होंगे
मैं गुफ़्तुगू में जो इबहाम छोड़ आया हूँ
ये कम नहीं है वज़ाहत मिरी असीरी की
परों के रंग तह-ए-दाम छोड़ आया हूँ
वहाँ से एक क़दम भी न जा सकी आगे
जहाँ पे गर्दिश-ए-अय्याम छोड़ आया हूँ
मुझे जो ढूँढना चाहे वो ढूँढ ले 'एजाज़'
कि अब मैं कूचा-ए-गुमनाम छोड़ आया हूँ
havā ke vāste ik kaam chhoḌ aayā huuñ
diyā jalā ke sar-e-shām chhoḌ aayā huuñ
kabhī nasīb ho fursat to us ko paḌh lenā
vo ek ḳhat jo tire naam chhoḌ aayā huuñ
havā-e-dasht-o-bayābāñ bhī mujh se barham hai
maiñ apne ghar ke dar-o-bām chhoḌ aayā huuñ
koī charāġh sar-e-rahguzar nahīñ na sahī
maiñ naqsh-e-pā ko bahar-gām chhoḌ aayā huuñ
abhī to aur bahut us pe tabsire hoñge
maiñ guftugū meñ jo ib.hām chhoḌ aayā huuñ
ye kam nahīñ hai vazāhat mirī asīrī kī
paroñ ke rañg tah-e-dām chhoḌ aayā huuñ
vahāñ se ek qadam bhī na jā sakī aage
jahāñ pe gardish-e-ayyām chhoḌ aayā huuñ
mujhe jo DhūñDhnā chāhe vo DhūñDh le 'ejāz'
ki ab maiñ kūcha-e-gum-nām chhoḌ aayā huuñ
ہوا کے واسطے اک کام چھوڑ آیا ہوں
دیا جلا کے سر شام چھوڑ آیا ہوں
کبھی نصیب ہو فرصت تو اس کو پڑھ لینا
وہ ایک خط جو ترے نام چھوڑ آیا ہوں
ہوائے دشت و بیاباں بھی مجھ سے برہم ہے
میں اپنے گھر کے در و بام چھوڑ آیا ہوں
کوئی چراغ سر رہ گزر نہیں نہ سہی
میں نقش پا کو بہر گام چھوڑ آیا ہوں
ابھی تو اور بہت اس پہ تبصرے ہوں گے
میں گفتگو میں جو ابہام چھوڑ آیا ہوں
یہ کم نہیں ہے وضاحت مری اسیری کی
پروں کے رنگ تہہ دام چھوڑ آیا ہوں
وہاں سے ایک قدم بھی نہ جا سکی آگے
جہاں پہ گردش ایام چھوڑ آیا ہوں
مجھے جو ڈھونڈھنا چاہے وہ ڈھونڈھ لے اعجازؔ
کہ اب میں کوچۂ گمنام چھوڑ آیا ہوں