मिट गया ग़म तिरे तकल्लुम से
लब हुए आश्ना तबस्सुम से
किस के नक़्श-ए-क़दम हैं राहों में
जगमगाते हैं माह-ओ-अंजुम से
है ज़माना बड़ा ज़माना-शनास
कभी मुझ से गिला कभी तुम से
नाख़ुदा भी मिला तो ऐसा मिला
आश्ना जो नहीं तलातुम से
उस ने आ कर मिज़ाज पूछ लिया
हम तो बैठे हुए थे गुम-सुम से
नाख़ुदा ने डुबो दिया उन को
वो कि जो बच गए तलातुम से
ज़िंदगी हादसों की ज़द में है
कोई कैसे बचे तसादुम से
साया-ए-गुल में बैठने वालो
गुफ़्तुगू होगी दार पर तुम से
मैं ग़ज़ल का असीर हूँ 'एजाज़'
शे'र पढ़ता हूँ मैं तरन्नुम से
miT gayā ġham tire takallum se
lab hue āshnā tabassum se
kis ke naqsh-e-qadam haiñ rāhoñ meñ
jagmagāte haiñ māh-o-anjum se
hai zamāna baḌā zamāna-shanās
kabhī mujh se gilā kabhī tum se
nāḳhudā bhī milā to aisā milā
āshnā jo nahīñ talātum se
us ne aa kar mizāj pūchh liyā
ham to baiThe hue the gum-sum se
nāḳhudā ne Dubo diyā un ko
vo ki jo bach ga.e talātum se
zindagī hādsoñ kī zad meñ hai
koī kaise bache tasādum se
sāya-e-gul meñ baiThne vaalo
guftugū hogī daar par tum se
maiñ ġhazal kā asiir huuñ 'ejāz'
sher paḌhtā huuñ maiñ tarannum se
مٹ گیا غم ترے تکلم سے
لب ہوئے آشنا تبسم سے
کس کے نقش قدم ہیں راہوں میں
جگمگاتے ہیں ماہ و انجم سے
ہے زمانہ بڑا زمانہ شناس
کبھی مجھ سے گلا کبھی تم سے
ناخدا بھی ملا تو ایسا ملا
آشنا جو نہیں تلاطم سے
اس نے آ کر مزاج پوچھ لیا
ہم تو بیٹھے ہوئے تھے گم صم سے
ناخدا نے ڈبو دیا ان کو
وہ کہ جو بچ گئے تلاطم سے
زندگی حادثوں کی زد میں ہے
کوئی کیسے بچے تصادم سے
سایۂ گل میں بیٹھنے والو
گفتگو ہوگی دار پر تم سے
میں غزل کا اسیر ہوں اعجازؔ
شعر پڑھتا ہوں میں ترنم سے