कितने बा-होश हो गए हम लोग
ख़ुद-फ़रामोश हो गए हम लोग
जिस ने चाहा हमें अज़िय्यत दी
और ख़ामोश हो गए हम लोग
दिल की आवाज़ भी नहीं सुनते
क्या गिराँ-गोश हो गए हम लोग
हम को दुनिया ने पारसा समझा
जब ख़ता-कोश हो गए हम लोग
पी गए झिड़कियाँ भी साक़ी की
क्या बला-नोश हो गए हम लोग
इस तरह पी रहे हैं ख़ून अपना
जैसे मय-नोश हो गए हम लोग
शहर में इस क़दर थे हंगामे
घर में रू-पोश हो गए हम लोग
कितने चेहरों पे आ गई रंगत
जब से ख़ामोश हो गए हम लोग
ज़ख़्म पाए हैं इस क़दर 'एजाज़'
आज गुल-पोश हो गए हम लोग
kitne bā-hosh ho ga.e ham log
ḳhud-farāmosh ho ga.e ham log
jis ne chāhā hameñ aziyyat dī
aur ḳhāmosh ho ga.e ham log
dil kī āvāz bhī nahīñ sunte
kyā girāñ-gosh ho ga.e ham log
ham ko duniyā ne pārsā samjhā
jab ḳhatā-kosh ho ga.e ham log
pī ga.e jhiḌkiyāñ bhī saaqī kī
kyā balā-nosh ho ga.e ham log
is tarah pī rahe haiñ ḳhuun apnā
jaise mai-nosh ho ga.e ham log
shahr meñ is qadar the hañgāme
ghar meñ rū-posh ho ga.e ham log
kitne chehroñ pe aa ga.ī rañgat
jab se ḳhāmosh ho ga.e ham log
zaḳhm paa.e haiñ is qadar 'ejāz'
aaj gul-posh ho ga.e ham log
کتنے باہوش ہو گئے ہم لوگ
خود فراموش ہو گئے ہم لوگ
جس نے چاہا ہمیں اذیت دی
اور خاموش ہو گئے ہم لوگ
دل کی آواز بھی نہیں سنتے
کیا گراں گوش ہو گئے ہم لوگ
ہم کو دنیا نے پارسا سمجھا
جب خطا کوش ہو گئے ہم لوگ
پی گئے جھڑکیاں بھی ساقی کی
کیا بلانوش ہو گئے ہم لوگ
اس طرح پی رہے ہیں خون اپنا
جیسے مے نوش ہو گئے ہم لوگ
شہر میں اس قدر تھے ہنگامے
گھر میں روپوش ہو گئے ہم لوگ
کتنے چہروں پہ آ گئی رنگت
جب سے خاموش ہو گئے ہم لوگ
زخم پائے ہیں اس قدر اعجازؔ
آج گل پوش ہو گئے ہم لوگ