वक़्त-ए-मुश्किल है प ये वक़्त गुज़र जाएगा
यार-ओ-अग़्यार का हाँ फ़ैसला कर जाएगा
ठोकरें गर्दिश-ए-अय्याम की गर खाएगा
प्यार का भूत तिरे सर से उतर जाएगा
कब तलक ज़ब्त करेगा भला सूरज की तपिश
फूल तो फूल है इक रोज़ बिखर जाएगा
मुद्दतों बाद भी ज़िंदा है बिछड़ कर मुझ से
बिन मिरे उस ने कहा था कि वो मर जाएगा
शिद्दत-ए-इश्क़-ओ-मोहब्बत में कमी आएगी
यार की दीद को तू रोज़ अगर जाएगा
रख के आदाब-ए-दुआ पेश-ए-नज़र ऐ दाई'
तू दुआ कर तिरा दामन अभी भर जाएगा
आएगा ऐसा बुरा वक़्त भी सोचा ही था
बेचते अपना हुनर अहल-ए-हुनर जाएगा
जाने घर वालों को किस दर्जा मसर्रत होगी
सुब्ह का भूला अगर शाम को घर जाएगा
तुझ को हो जाएगी दुनिया की हक़ीक़त मा'लूम
जब जनाज़ा तिरा मरक़द में उतर जाएगा
ज़िंदगी में तो पलट कर उसे देखा ही नहीं
बहर-ए-तदफ़ीन मगर सारा नगर जाएगा
इश्क़-ए-महबूब की लज़्ज़त हो मयस्सर जिस को
जानिब-ए-दार भी बे-ख़ौफ़-ओ-ख़तर जाएगा
फ़ैसला होगा अदालत में उसी के हक़ में
बहर-ए-क़ाज़ी जो लिए कीसा-ए-ज़र जाएगा
दूर से पानी लगेगा प न होगा पानी
तिश्ना-लब दश्त में जिस सम्त भी गर जाएगा
vaqt-e-mushkil hai pa ye vaqt guzar jā.egā
yār-o-aġhyār kā haañ faisla kar jā.egā
Thokareñ gardish-e-ayyām kī gar khā.egā
pyaar kā bhuut tire sar se utar jā.egā
kab talak zabt karegā bhalā sūraj kī tapish
phuul to phuul hai ik roz bikhar jā.egā
muddatoñ baad bhī zinda hai bichhaḌ kar mujh se
bin mire us ne kahā thā ki vo mar jā.egā
shiddat-e-ishq-o-mohabbat meñ kamī aa.egī
yaar kī diid ko tū roz agar jā.egā
rakh ke ādāb-e-duā pesh-e-nazar ai daa.ī
tū duā kar tirā dāman abhī bhar jā.egā
aa.egā aisā burā vaqt bhī sochā hī thā
bechte apnā hunar ahl-e-hunar jā.egā
jaane ghar vāloñ ko kis darja masarrat hogī
sub.h kā bhūlā agar shaam ko ghar jā.egā
tujh ko ho jā.egī duniyā kī haqīqat ma.alūm
jab janāza tirā marqad meñ utar jā.egā
zindagī meñ to palaT kar use dekhā hī nahīñ
bahar-e-tadfīn magar saarā nagar jā.egā
ishq-e-mahbūb kī lazzat ho mayassar jis ko
janib-e-dār bhī be-ḳhauf-o-ḳhatar jā.egā
faisla hogā adālat meñ usī ke haq meñ
bahr-e-qāzī jo liye kīsa-e-zar jā.egā
duur se paanī lagegā pa na hogā paanī
tishna-lab dasht meñ jis samt bhī gar jā.egā
وقت مشکل ہے پہ یہ وقت گزر جائے گا
یار و اغیار کا ہاں فیصلہ کر جائے گا
ٹھوکریں گردش ایام کی گر کھائے گا
پیار کا بھوت ترے سر سے اتر جائے گا
کب تلک ضبط کرے گا بھلا سورج کی تپش
پھول تو پھول ہے اک روز بکھر جائے گا
مدتوں بعد بھی زندہ ہے بچھڑ کر مجھ سے
بن مرے اس نے کہا تھا کہ وہ مر جائے گا
شدت عشق و محبت میں کمی آئے گی
یار کی دید کو تو روز اگر جائے گا
رکھ کے آداب دعا پیش نظر اے داعی
تو دعا کر ترا دامن ابھی بھر جائے گا
آئے گا ایسا برا وقت بھی سوچا ہی تھا
بیچتے اپنا ہنر اہل ہنر جائے گا
جانے گھر والوں کو کس درجہ مسرت ہوگی
صبح کا بھولا اگر شام کو گھر جائے گا
تجھ کو ہو جائے گی دنیا کی حقیقت معلوم
جب جنازہ ترا مرقد میں اتر جائے گا
زندگی میں تو پلٹ کر اسے دیکھا ہی نہیں
بہر تدفین مگر سارا نگر جائے گا
عشق محبوب کی لذت ہو میسر جس کو
جانب دار بھی بے خوف و خطر جائے گا
فیصلہ ہوگا عدالت میں اسی کے حق میں
بہر قاضی جو لیے کیسۂ زر جائے گا
دور سے پانی لگے گا پہ نہ ہوگا پانی
تشنہ لب دشت میں جس سمت بھی گر جائے گا