जो ज़िंदगी में कभी जुस्तुजू नहीं करता
मिरा ख़ुदा भी उसे सुरख़-रू नहीं करता
ये मेरा दिल तो धड़कता है ज़ाहिरन लेकिन
किसी भी शय की ये दिल आरज़ू नहीं करता
किसी के क़ुर्ब ने मुझ को बना दिया शाइ'र
वगर्ना शाइरी मैं तो कभू नहीं करता
किसी ने देख लिया तो कहेगा दीवाना
जो अपना चाक-ए-गरेबाँ रफ़ू नहीं करता
जो जैसा है उसे वैसा ही ये दिखाता है
ये आइना तो कभी भी ग़ुलू नहीं करता
मैं ऐसे शख़्स की आँखों को पाक समझूँगा
नज़र जो सू-ए-ज़न-ए-ख़ूब-रू नहीं करता
फ़क़ीर हूँ तिरे दर का तुझे सदा दी है
ऐ जान-ए-जाँ मैं सदा कू-ब-कू नहीं करता
वो जिस ने बीच के ज़ेवर तुझे पढ़ाया था
अजब है फ़ोन तक उस माँ को तू नहीं करता
हमारा इश्क़ अभी हाल-ए-एहतिज़ार में है
तो फिर उसे कोई क्यों क़िबला-रू नहीं करता
महक रही हैं फ़ज़ाएँ गुलों की ख़ुशबू से
चमन में रह के तू एहसास-ए-बू नहीं करता
ज़मीन-ए-शेर हो बंजर तो उस ज़मीं पे कभी
दरख़्त शेर-ओ-सुख़न का नुमू नहीं करता
किताब-ए-इश्क़ को छूने के वास्ते 'नूरी'
वुज़ू ज़रूरी है तो क्यों वुज़ू नहीं करता
jo zindagī meñ kabhī justujū nahīñ kartā
mirā ḳhudā bhī use suraḳh-rū nahīñ kartā
ye merā dil to dhaḌaktā hai zāhiran lekin
kisī bhī shai kī ye dil aarzū nahīñ kartā
kisī ke qurb ne mujh ko banā diyā shā.ir
vagarna shā.irī maiñ to kabhū nahīñ kartā
kisī ne dekh liyā to kahegā dīvāna
jo apnā chāk-e-garebāñ rafū nahīñ kartā
jo jaisā hai use vaisā hī ye dikhātā hai
ye aa.ina to kabhī bhī ġhulū nahīñ kartā
maiñ aise shaḳhs kī āñkhoñ ko paak samjhūñgā
nazar jo sū-e-zan-e-ḳhūb-rū nahīñ kartā
faqīr huuñ tire dar kā tujhe sadā dī hai
ai jān-e-jāñ maiñ sadā kū-ba-kū nahīñ kartā
vo jis ne beach ke zevar tujhe paḌhāyā thā
ajab hai phone tak us maañ ko tū nahīñ kartā
hamārā ishq abhī hāl-e-ehtizār meñ hai
to phir use koī kyoñ qibla-rū nahīñ kartā
mahak rahī haiñ fazā.eñ guloñ kī ḳhushbū se
chaman meñ rah ke tū ehsās-e-bū nahīñ kartā
zamīn-e-sher ho banjar to us zamīñ pe kabhī
daraḳht sher-o-suḳhan kā numū nahīñ kartā
kitāb-e-ishq ko chhūne ke vāste 'nūrī'
vuzū zarūrī hai to kyoñ vuzū nahīñ kartā
جو زندگی میں کبھی جستجو نہیں کرتا
مرا خدا بھی اسے سرخ رو نہیں کرتا
یہ میرا دل تو دھڑکتا ہے ظاہراً لیکن
کسی بھی شے کی یہ دل آرزو نہیں کرتا
کسی کے قرب نے مجھ کو بنا دیا شاعر
وگرنہ شاعری میں تو کبھو نہیں کرتا
کسی نے دیکھ لیا تو کہے گا دیوانہ
جو اپنا چاک گریباں رفو نہیں کرتا
جو جیسا ہے اسے ویسا ہی یہ دکھاتا ہے
یہ آئنہ تو کبھی بھی غلو نہیں کرتا
میں ایسے شخص کی آنکھوں کو پاک سمجھوں گا
نظر جو سوئے زن خوب رو نہیں کرتا
فقیر ہوں ترے در کا تجھے صدا دی ہے
اے جان جاں میں صدا کو بہ کو نہیں کرتا
وہ جس نے بیچ کے زیور تجھے پڑھایا تھا
عجب ہے فون تک اس ماں کو تو نہیں کرتا
ہمارا عشق ابھی حال احتضار میں ہے
تو پھر اسے کوئی کیوں قبلہ رو نہیں کرتا
مہک رہی ہیں فضائیں گلوں کی خوشبو سے
چمن میں رہ کے تو احساس بو نہیں کرتا
زمین شعر ہو بنجر تو اس زمیں پہ کبھی
درخت شعر و سخن کا نمو نہیں کرتا
کتاب عشق کو چھونے کے واسطے نوریؔ
وضو ضروری ہے تو کیوں وضو نہیں کرتا