मैं अहल-ए-ज़र भी नहीं अहल-ए-सल्तनत भी नहीं
सो मेरा कोई ख़बर-गीर-ए-ख़ैरियत भी नहीं
ज़मीन क्यों मुझे चश्म-ए-हसद से देखती है
अगरचे मैं कोई शख़्स-ए-फ़लक-सिफ़त भी नहीं
किसी ने फिर मिरे जज़्बों का आज ख़ून किया
बड़ा अजीब हूँ मैं तालिब-ए-दियत भी नहीं
ऐ सादा लौह तू याँ कामयाब नईं होगा
तिरे वजूद में थोड़ी मुनाफ़िक़त भी नहीं
मुझे किसी की ज़रूरत नहीं शुमारिश को
कि आस्तीन के ये साँप अनगिनत भी नहीं
वो दर्स देने लगा है ख़ुदा-शनासी का
ख़ुदा तो दूर जिसे अपनी मा'रिफ़त भी नहीं
पराए देस में आ कर पनाह ली मैं ने
कि मेरे देस में थोड़ी सी अम्नियत भी नहीं
यक़ीन कैसे करूँ ख़त ये तू ने भेजा है
कि इस पे मुहर भी और तेरा दस्तख़त भी नहीं
ख़ुद उस के बच्चे भी करते नहीं सलाम उसे
ग़रीब बाप की अब इतनी हैसियत भी नहीं
मैं कैसे मान लूँ ये तेरा अक्स है जानम
कि उस की तुझ से ज़रा सी मुशाबहत भी नहीं
हमारे जीते जी ग़ैरों से रस्म-ओ-राह न रख
हमारे दिल में ये ग़म ढोने की सकत भी नहीं
हमेशा उस को मनाने में पहल करते हो
सो उस का यूँही ख़फ़ा होना कुछ ग़लत भी नहीं
लुटा चुका हूँ मैं सब कुछ रह-ए-मोहब्बत में
कि फ़र्श पाँव तले और सर पे छत भी नहीं
मिरी लिखी हुईं ग़ज़लें पढ़े तो कौन पढ़े
अब इस क़दर भी हसीं 'नूरी' की लिखत भी नहीं
maiñ ahl-e-zar bhī nahīñ ahl-e-saltanat bhī nahīñ
so merā koī ḳhabar-gīr-e-ḳhairiyat bhī nahīñ
zamīn kyoñ mujhe chashm-e-hasad se dekhtī hai
agarche maiñ koī shaḳhs-e-falak-sifat bhī nahīñ
kisī ne phir mire jazboñ kā aaj ḳhuun kiyā
baḌā ajiib huuñ maiñ tālib-e-diyat bhī nahīñ
ai saada lauh tū yaañ kāmyāb na.iiñ hogā
tire vajūd meñ thoḌī munāfiqat bhī nahīñ
mujhe kisī kī zarūrat nahīñ shumārish ko
ki āstīn ke ye saañp anginat bhī nahīñ
vo dars dene lagā hai ḳhudā-shanāsī kā
ḳhudā to duur jise apnī ma.arifat bhī nahīñ
parā.e des meñ aa kar panāh lī maiñ ne
ki mere des meñ thoḌī sī amniyat bhī nahīñ
yaqīn kaise karūñ ḳhat ye tū ne bhejā hai
ki is pe muhr bhī aur terā dastaḳhat bhī nahīñ
ḳhud us ke bachche bhī karte nahīñ salām use
ġharīb baap kī ab itnī haisiyat bhī nahīñ
maiñ kaise maan luuñ ye terā aks hai jānam
ki us kī tujh se zarā sī mushābahat bhī nahīñ
hamāre jiite jī ġhairoñ se rasm-o-rāh na rakh
hamāre dil meñ ye ġham Dhone kī sakat bhī nahīñ
hamesha us ko manāne meñ pahl karte ho
so us kā yūñhī ḳhafā honā kuchh ġhalat bhī nahīñ
luTā chukā huuñ maiñ sab kuchh rah-e-mohabbat meñ
ki farsh paañv tale aur sar pe chhat bhī nahīñ
mirī likhī huiiñ ġhazleñ paḌhe to kaun paḌhe
ab is qadar bhī hasīñ 'nūrī' kī likhat bhī nahīñ
میں اہل زر بھی نہیں اہل سلطنت بھی نہیں
سو میرا کوئی خبر گیر خیریت بھی نہیں
زمین کیوں مجھے چشم حسد سے دیکھتی ہے
اگرچہ میں کوئی شخص فلک صفت بھی نہیں
کسی نے پھر مرے جذبوں کا آج خون کیا
بڑا عجیب ہوں میں طالب دیت بھی نہیں
اے سادہ لوح تو یاں کامیاب نئیں ہوگا
ترے وجود میں تھوڑی منافقت بھی نہیں
مجھے کسی کی ضرورت نہیں شمارش کو
کہ آستین کے یہ سانپ انگنت بھی نہیں
وہ درس دینے لگا ہے خدا شناسی کا
خدا تو دور جسے اپنی معرفت بھی نہیں
پرائے دیس میں آ کر پناہ لی میں نے
کہ میرے دیس میں تھوڑی سی امنیت بھی نہیں
یقین کیسے کروں خط یہ تو نے بھیجا ہے
کہ اس پہ مہر بھی اور تیرا دستخط بھی نہیں
خود اس کے بچے بھی کرتے نہیں سلام اسے
غریب باپ کی اب اتنی حیثیت بھی نہیں
میں کیسے مان لوں یہ تیرا عکس ہے جانم
کہ اس کی تجھ سے ذرا سی مشابہت بھی نہیں
ہمارے جیتے جی غیروں سے رسم و راہ نہ رکھ
ہمارے دل میں یہ غم ڈھونے کی سکت بھی نہیں
ہمیشہ اس کو منانے میں پہل کرتے ہو
سو اس کا یوں ہی خفا ہونا کچھ غلط بھی نہیں
لٹا چکا ہوں میں سب کچھ رہ محبت میں
کہ فرش پاؤں تلے اور سر پہ چھت بھی نہیں
مری لکھی ہوئیں غزلیں پڑھے تو کون پڑھے
اب اس قدر بھی حسیں نوریؔ کی لکھت بھی نہیں