वहशत-ए-दिल ने कहीं का भी न रक्खा मुझ को
देखना है अभी क्या कहती है दुनिया मुझ को
असर-ए-क़ैद-ए-तअ'य्युन से भी आज़ाद है दिल
किस तरह बंद-ए-अलाएक़ हो गवारा मुझ को
लेने भी दे अभी मौज लब-ए-साहिल के मज़े
क्यूँ डुबोती है उभरने की तमन्ना मुझ को
ख़्वाहिश-ए-दिल थी कि मिलता कहीं सौदा-ए-जुनूँ
मैं ने क्या माँगा था क़िस्मत ने दिया क्या मुझ को
तेरी बे-पर्दगी-ए-हुस्न ने आँखें खोलीं
तंग-दामानी-ए-नज़्ज़ारा थी पर्दा मुझ को
आख़िरी दौर में मदहोश हुआ था लेकिन
लग़्ज़िश-ए-पा ने मिरी ख़ूब सँभाला मुझ को
उम्र सारी तो कटी दैर-ओ-हरम में ऐ 'शौक़'
इस पे सज्दा भी तो करना नहीं आया मुझ को
vahshat-e-dil ne kahīñ kā bhī na rakkhā mujh ko
dekhnā hai abhī kyā kahtī hai duniyā mujh ko
asar-e-qaid-e-ta.ayyun se bhī āzād hai dil
kis tarah band-e-alā.eq ho gavārā mujh ko
lene bhī de abhī mauj lab-e-sāhil ke maze
kyuuñ Dubotī hai ubharne kī tamannā mujh ko
ḳhvāhish-e-dil thī ki miltā kahīñ saudā-e-junūñ
maiñ ne kyā māñgā thā qismat ne diyā kyā mujh ko
terī be-pardagī-e-husn ne āñkheñ kholīñ
tañg-dāmānī-e-nazzāra thī pardā mujh ko
āḳhirī daur meñ mad.hosh huā thā lekin
laġhzish-e-pā ne mirī ḳhuub sambhālā mujh ko
umr saarī to kaTī dair-o-haram meñ ai 'shauq'
is pe sajda bhī to karnā nahīñ aayā mujh ko
وحشت دل نے کہیں کا بھی نہ رکھا مجھ کو
دیکھنا ہے ابھی کیا کہتی ہے دنیا مجھ کو
اثر قید تعین سے بھی آزاد ہے دل
کس طرح بند علایق ہو گوارا مجھ کو
لینے بھی دے ابھی موج لب ساحل کے مزے
کیوں ڈبوتی ہے ابھرنے کی تمنا مجھ کو
خواہش دل تھی کہ ملتا کہیں سودائے جنوں
میں نے کیا مانگا تھا قسمت نے دیا کیا مجھ کو
تیری بے پردگیٔ حسن نے آنکھیں کھولیں
تنگ دامانیٔ نظارہ تھی پردا مجھ کو
آخری دور میں مدہوش ہوا تھا لیکن
لغزش پا نے مری خوب سنبھالا مجھ کو
عمر ساری تو کٹی دیر و حرم میں اے شوقؔ
اس پہ سجدہ بھی تو کرنا نہیں آیا مجھ کو