वहशत-ए-आसार-ओ-सुकूँ सोज़ नज़ारों के सिवा
और सब कुछ है गुलिस्ताँ में बहारों के सिवा
अब न बेबाक-निगाही है न गुस्ताख़-लबी
चंद सहमे हुए मुबहम से इशारों के सिवा
साक़िया कोई नहीं मुजरिम-ए-मय-खाना यहाँ
तेरे कम-ज़र्फ़-ओ-नज़र बादा-गुसारों के सिवा
हसरतें उन में अभी दफ़्न हैं इंसानों की
नाम क्या दीजिए सीनों को मज़ारों के सिवा
दूर तक कोई नहीं है शजर-ए-साया-दार
चंद सूखे हुए पेड़ों की क़तारों के सिवा
आप कहते हैं कि गुलशन में है अर्ज़ानी-ए-गुल
अपने दामन में तो कुछ भी नहीं ख़ारों के सिवा
मंज़िल-ए-शौक़ में इक इक को दिया इज़्न-ए-सफ़र
कोई भी तो न मिला जादा-शुमारों के सिवा
ज़ोर-ए-तूफ़ाँ तो ब-हर-हाल है ज़ोर-ए-तूफ़ाँ
किस से टकराएगी मौज अपनी किनारों के सिवा
कौन इस दौर के इंसाँ का मुक़द्दर बनता
चंद आवारा-ओ-मनहूस सितारों के सिवा
कितने क़दमों की ख़राशों से लहू रिसता है
किस को मा'लूम है ये राह-गुज़ारों के सिवा
बात करते हैं वो अब ऐसी ज़बाँ में 'ए'जाज़'
कोई समझे न जिसे नामा-निगारों के सिवा
vahshat-e-āsār-o-sukūñ soz nazāroñ ke sivā
aur sab kuchh hai gulistāñ meñ bahāroñ ke sivā
ab na bebāk-nigāhī hai na gustāḳh-labī
chand sahme hue mub.ham se ishāroñ ke sivā
sāqiyā koī nahīñ mujrim-e-mai-ḳhāna yahāñ
tere kam-zarf-o-nazar bāda-gusāroñ ke sivā
hasrateñ un meñ abhī dafn haiñ insānoñ kī
naam kyā dījiye sīnoñ ko mazāroñ ke sivā
duur tak koī nahīñ hai shajar-e-sāya-dār
chand sūkhe hue peḌoñ kī qatāroñ ke sivā
aap kahte haiñ ki gulshan meñ hai arzānī-e-gul
apne dāman meñ to kuchh bhī nahīñ ḳhāroñ ke sivā
manzil-e-shauq meñ ik ik ko diyā izn-e-safar
koī bhī to na milā jāda-shumāroñ ke sivā
zor-e-tūfāñ to ba-har-hāl hai zor-e-tūfāñ
kis se Takrā.egī mauj apnī kināroñ ke sivā
kaun is daur ke insāñ kā muqaddar bantā
chand āvāra-o-manhūs sitāroñ ke sivā
kitne qadmoñ kī ḳharāshoñ se lahū ristā hai
kis ko mā'lūm hai ye rāh-guzāroñ ke sivā
baat karte haiñ vo ab aisī zabāñ meñ 'e'jāz'
koī samjhe na jise nāma-nigāroñ ke sivā
وحشت آثار و سکوں سوز نظاروں کے سوا
اور سب کچھ ہے گلستاں میں بہاروں کے سوا
اب نہ بے باک نگاہی ہے نہ گستاخ لبی
چند سہمے ہوئے مبہم سے اشاروں کے سوا
ساقیا کوئی نہیں مجرم مے خانہ یہاں
تیرے کم ظرف و نظر بادہ گساروں کے سوا
حسرتیں ان میں ابھی دفن ہیں انسانوں کی
نام کیا دیجیے سینوں کو مزاروں کے سوا
دور تک کوئی نہیں ہے شجر سایہ دار
چند سوکھے ہوئے پیڑوں کی قطاروں کے سوا
آپ کہتے ہیں کہ گلشن میں ہے ارزانئ گل
اپنے دامن میں تو کچھ بھی نہیں خاروں کے سوا
منزل شوق میں اک اک کو دیا اذن سفر
کوئی بھی تو نہ ملا جادہ شماروں کے سوا
زور طوفاں تو بہ ہر حال ہے زور طوفاں
کس سے ٹکرائے گی موج اپنی کناروں کے سوا
کون اس دور کے انساں کا مقدر بنتا
چند آوارہ و منحوس ستاروں کے سوا
کتنے قدموں کی خراشوں سے لہو رستا ہے
کس کو معلوم ہے یہ راہ گزاروں کے سوا
بات کرتے ہیں وہ اب ایسی زباں میں اعجازؔ
کوئی سمجھے نہ جسے نامہ نگاروں کے سوا