नूर की किरन उस से ख़ुद निकलती रहती है
वक़्त कटता रहता है रात ढलती रहती है
और ज़िक्र क्या कीजे अपने दिल की हालत का
कुछ बिगड़ती रहती है कुछ सँभलती रहती है
ज़ेहन उभार देता है नक़्श हाल ओ माज़ी के
इन दिनों तबी'अत कुछ यूँ बहलती रहती है
तह-नशीन मौजें तो पुर-सुकून रहती हैं
और सत्ह-ए-दरिया की मौज उछलती रहती है
चाहे अपने ग़म की हो या ग़म-ए-ज़माना की
बात तो बहर-सूरत कुछ निकलती रहती है
ज़िंदगी है नाम उस का ताज़गी है काम उस का
एक मौज-ए-ख़ूँ दिल से जो उबलती रहती है
कैफ़ भी है मस्ती भी ज़हर भी है अमृत भी
वो जो जाम-ए-साक़ी से रोज़ ढलती रहती है
आज भी बुरी क्या है कल भी ये बुरी क्या थी
इस का नाम दुनिया है ये बदलती रहती है
होती है वो शे'रों में मुनअ'किस कभी 'ए'जाज़'
मुद्दतों घुटन सी जो दिल में पलती रहती है
nuur kī kiran us se ḳhud nikaltī rahtī hai
vaqt kaTtā rahtā hai raat Dhaltī rahtī hai
aur zikr kyā kiije apne dil kī hālat kā
kuchh bigaḌtī rahtī hai kuchh sañbhaltī rahtī hai
zehn ubhār detā hai naqsh haal o maazī ke
in dinoñ tabī'at kuchh yuuñ bahaltī rahtī hai
tah-nashīn maujeñ to pur-sukūn rahtī haiñ
aur sat.h-e-dariyā kī mauj uchhaltī rahtī hai
chāhe apne ġham kī ho yā ġham-e-zamāna kī
baat to bahar-sūrat kuchh nikaltī rahtī hai
zindagī hai naam us kā tāzgī hai kaam us kā
ek mauj-e-ḳhūñ dil se jo ubaltī rahtī hai
kaif bhī hai mastī bhī zahr bhī hai amrit bhī
vo jo jām-e-sāqī se roz Dhaltī rahtī hai
aaj bhī burī kyā hai kal bhī ye burī kyā thī
is kā naam duniyā hai ye badaltī rahtī hai
hotī hai vo sheroñ meñ mun.akis kabhī 'e'jāz'
muddatoñ ghuTan sī jo dil meñ paltī rahtī hai
نور کی کرن اس سے خود نکلتی رہتی ہے
وقت کٹتا رہتا ہے رات ڈھلتی رہتی ہے
اور ذکر کیا کیجے اپنے دل کی حالت کا
کچھ بگڑتی رہتی ہے کچھ سنبھلتی رہتی ہے
ذہن ابھار دیتا ہے نقش حال و ماضی کے
ان دنوں طبیعت کچھ یوں بہلتی رہتی ہے
تہ نشین موجیں تو پر سکون رہتی ہیں
اور سطح دریا کی موج اچھلتی رہتی ہے
چاہے اپنے غم کی ہو یا غم زمانہ کی
بات تو بہر صورت کچھ نکلتی رہتی ہے
زندگی ہے نام اس کا تازگی ہے کام اس کا
ایک موج خوں دل سے جو ابلتی رہتی ہے
کیف بھی ہے مستی بھی زہر بھی ہے امرت بھی
وہ جو جام ساقی سے روز ڈھلتی رہتی ہے
آج بھی بری کیا ہے کل بھی یہ بری کیا تھی
اس کا نام دنیا ہے یہ بدلتی رہتی ہے
ہوتی ہے وہ شعروں میں منعکس کبھی اعجازؔ
مدتوں گھٹن سی جو دل میں پلتی رہتی ہے