मिल सकेगी अब भी दाद-ए-आबला-पाई तो क्या
फ़ासले कम हो गए मंज़िल क़रीब आई तो क्या
है वही जब्र-ए-असीरी और वही ग़म का क़फ़स
दिल पे बन आई तो क्या ये रूह घबराई तो क्या
अपनी बे-ताबी-ए-दिल का ख़ुद तमाशा बन गए
आप की महफ़िल के बनते हम तमाशाई तो क्या
बात तो जब है कि सारा गुलसिताँ हँसने लगे
फ़स्ल-ए-गुल में चंद फूलों की हँसी आई तो क्या
लाओ इन बे-कैफ़ियों ही से निकालें राह-ए-कैफ़
वक़्त अब लेगा कोई पुर-कैफ़ अंगड़ाई तो क्या
कम-निगाही ने उसे कुछ और गहरा कर दिया
वो छुपाते ही रहें रंग-ए-शनासाई तो क्या
फिर ज़रा सी देर में चौंकाएगा ख़्वाब-ए-सहर
आख़िर-ए-शब जागने के बा'द नींद आई तो क्या
बेड़ियाँ वहम-ए-तअ'ल्लुक़ की नई पहना गए
दोस्त आ कर काटते ज़ंजीर तन्हाई तो क्या
शोरिश-ए-अफ़्कार से 'ए'जाज़' दामानदा सही
छिन सकेगी फिर भी फ़िक्र-ओ-फ़न की रा'नाई तो क्या
mil sakegī ab bhī dād-e-ābla-pā.ī to kyā
fāsle kam ho ga.e manzil qarīb aa.ī to kyā
hai vahī jabr-e-asīrī aur vahī ġham kā qafas
dil pe ban aa.ī to kyā ye ruuh ghabrā.ī to kyā
apnī be-tābī-e-dil kā ḳhud tamāshā ban ga.e
aap kī mahfil ke bante ham tamāshā.ī to kyā
baat to jab hai ki saarā gulsitāñ hañsne lage
fasl-e-gul meñ chand phūloñ kī hañsī aa.ī to kyā
laao in be-kaifiyoñ hī se nikāleñ rāh-e-kaif
vaqt ab legā koī pur-kaif añgḌā.ī to kyā
kam-nigāhī ne use kuchh aur gahrā kar diyā
vo chhupāte hī raheñ rañg-e-shanāsā.ī to kyā
phir zarā sī der meñ chauñkā.egā ḳhvāb-e-sahar
āḳhir-e-shab jāgne ke ba.ad niiñd aa.ī to kyā
beḌiyāñ vahm-e-ta.alluq kī na.ī pahnā ga.e
dost aa kar kāTte zanjīr tanhā.ī to kyā
shorish-e-afkār se 'e'jāz' dāmānda sahī
chhin sakegī phir bhī fikr-o-fan kī rā'nā.ī to kyā
مل سکے گی اب بھی داد آبلہ پائی تو کیا
فاصلے کم ہو گئے منزل قریب آئی تو کیا
ہے وہی جبر اسیری اور وہی غم کا قفس
دل پہ بن آئی تو کیا یہ روح گھبرائی تو کیا
اپنی بے تابئ دل کا خود تماشا بن گئے
آپ کی محفل کے بنتے ہم تماشائی تو کیا
بات تو جب ہے کہ سارا گلستاں ہنسنے لگے
فصل گل میں چند پھولوں کی ہنسی آئی تو کیا
لاؤ ان بے کیفیوں ہی سے نکالیں راہ کیف
وقت اب لے گا کوئی پر کیف انگڑائی تو کیا
کم نگاہی نے اسے کچھ اور گہرا کر دیا
وہ چھپاتے ہی رہیں رنگ شناسائی تو کیا
پھر ذرا سی دیر میں چونکائے گا خواب سحر
آخر شب جاگنے کے بعد نیند آئی تو کیا
بیڑیاں وہم تعلق کی نئی پہنا گئے
دوست آ کر کاٹتے زنجیر تنہائی تو کیا
شورش افکار سے اعجازؔ داماندہ سہی
چھن سکے گی پھر بھی فکر و فن کی رعنائی تو کیا