वफ़ाएँ कर के जफ़ाओं का ग़म उठाए जा
इसी तरह से ज़माने को आज़माए जा
किसी में अपनी सिफ़त के सिवा कमाल नहीं
जिधर इशारा-ए-फ़ितरत हो सर झुकाए जा
वो लौ रबाब से निकली धुआँ उठा दिल से
वफ़ा का राग इसी धुन में गुनगुनाए जा
नज़र के साथ मोहब्बत बदल नहीं सकती
नज़र बदल के मोहब्बत को आज़माए जा
ख़ुदी-ए-इश्क़ ने जिस दिन से खोल दीं आँखें
है आँसुओं का तक़ाज़ा कि मुस्कुराए जा
नहीं है ग़म तो मोहब्बत की तर्बियत नाक़िस
हवादिस आएँ तो नरमी से पेश आए जा
थी इब्तिदा में ये तादीब-ए-मुफ़लिसी मुझ को
ग़ुलाम रह के ग़ुलामी पे मुस्कुराए जा
बदल न राह ख़िरद के फ़रेब में आ कर
जुनूँ के नक़्श-ए-क़दम पर क़दम बढ़ाए जा
उम्मीद ओ यास में जीना है इश्क़ का मक़्सूद
इसी मक़ाम-ए-मुक़द्दस पे तिलमिलाए जा
चमन में फ़ुर्सत ओ तस्कीं है मौत का पैग़ाम
सुकूँ पसंद न कर आशियाँ बनाए जा
यही है लुत्फ़-ए-मोहब्बत यही है कैफ़-ए-हयात
हक़ीक़तों की बिना पर फ़रेब खाए जा
वफ़ा का ख़्वाब है 'एहसान' ख़्वाब-ए-बे-ताबीर
वफ़ाएँ कर के मुक़द्दर को आज़माए जा
vafā.eñ kar ke jafāoñ kā ġham uThā.e jā
isī tarah se zamāne ko āzmā.e jā
kisī meñ apnī sifat ke sivā kamāl nahīñ
jidhar ishāra-e-fitrat ho sar jhukā.e jā
vo lau rabāb se niklī dhuāñ uThā dil se
vafā kā raag isī dhun meñ gungunā.e jā
nazar ke saath mohabbat badal nahīñ saktī
nazar badal ke mohabbat ko āzmā.e jā
ḳhudi-e-ishq ne jis din se khol diiñ āñkheñ
hai āñsuoñ kā taqāzā ki muskurā.e jā
nahīñ hai ġham to mohabbat kī tarbiyat nāqis
havādis aa.eñ to narmī se pesh aa.e jā
thī ibtidā meñ ye tādīb-e-muflisī mujh ko
ġhulām rah ke ġhulāmī pe muskurā.e jā
badal na raah ḳhirad ke fareb meñ aa kar
junūñ ke naqsh-e-qadam par qadam baḌhā.e jā
ummīd o yaas meñ jiinā hai ishq kā maqsūd
isī maqām-e-muqaddas pe tilmilā.e jā
chaman meñ fursat o taskīñ hai maut kā paiġhām
sukūñ pasand na kar āshiyāñ banā.e jā
yahī hai lutf-e-mohabbat yahī hai kaif-e-hayāt
haqīqatoñ kī binā par fareb khaa.e jā
vafā kā ḳhvāb hai 'ehsān' ḳhvāb-e-be-tābīr
vafā.eñ kar ke muqaddar ko āzmā.e jā
وفائیں کر کے جفاؤں کا غم اٹھائے جا
اسی طرح سے زمانے کو آزمائے جا
کسی میں اپنی صفت کے سوا کمال نہیں
جدھر اشارۂ فطرت ہو سر جھکائے جا
وہ لو رباب سے نکلی دھواں اٹھا دل سے
وفا کا راگ اسی دھن میں گنگنائے جا
نظر کے ساتھ محبت بدل نہیں سکتی
نظر بدل کے محبت کو آزمائے جا
خودی عشق نے جس دن سے کھول دیں آنکھیں
ہے آنسوؤں کا تقاضا کہ مسکرائے جا
نہیں ہے غم تو محبت کی تربیت ناقص
حوادث آئیں تو نرمی سے پیش آئے جا
تھی ابتدا میں یہ تادیب مفلسی مجھ کو
غلام رہ کے غلامی پہ مسکرائے جا
بدل نہ راہ خرد کے فریب میں آ کر
جنوں کے نقش قدم پر قدم بڑھائے جا
امید و یاس میں جینا ہے عشق کا مقصود
اسی مقام مقدس پہ تلملائے جا
چمن میں فرصت و تسکیں ہے موت کا پیغام
سکوں پسند نہ کر آشیاں بنائے جا
یہی ہے لطف محبت یہی ہے کیف حیات
حقیقتوں کی بنا پر فریب کھائے جا
وفا کا خواب ہے احسانؔ خواب بے تعبیر
وفائیں کر کے مقدر کو آزمائے جا