वफ़ा का 'अह्द था दिल को सँभालने के लिए
वो हँस पड़े मुझे मुश्किल में डालने के लिए
बँधा हुआ है बहारों का अब वहीं ताँता
जहाँ रुका था मैं काँटे निकालने के लिए
कोई नसीम का नग़्मा कोई शमीम का राग
फ़ज़ा को अम्न के क़ालिब में ढालने के लिए
ख़ुदा न कर्दा ज़मीं पाँव से अगर खिसकी
बढ़ेंगे तुंद बगूले सँभालने के लिए
उतर पड़े हैं किधर से ये आँधियों के जुलूस
समुंदरों से जज़ीरे निकालने के लिए
तिरे सलीक़ा-ए-तरतीब-ए-नौ का क्या कहना
हमीं थे क़र्या-ए-दिल से निकालने के लिए
कभी हमारी ज़रूरत पड़ेगी दुनिया को
दिलों की बर्फ़ को शो'लों में ढालने के लिए
ये शो'बदे ही सही कुछ फ़ुसूँ-गरों को बुलाओ
नई फ़ज़ा में सितारे उछालने के लिए
है सिर्फ़ हम को तिरे ख़ाल-ओ-ख़द का अंदाज़ा
ये आइने तू हैं हैरत में डालने के लिए
न जाने कितनी मसाफ़त से आएगा सूरज
निगार-ए-शब का जनाज़ा निकालने के लिए
मैं पेश-रौ हूँ इसी ख़ाक से उगेंगे चराग़
निगाह-ओ-दिल के उफ़ुक़ को उजालने के लिए
फ़सील-ए-शब से कोई हाथ बढ़ने वाला है
फ़ज़ा की जेब से सूरज निकालने के लिए
कुएँ में फेंक के पछता रहा हूँ ऐ 'दानिश'
कमंद थी जो मिनारों पे डालने के लिए
vafā kā 'ahd thā dil ko sañbhālne ke liye
vo hañs paḌe mujhe mushkil meñ Dālne ke liye
bañdhā huā hai bahāroñ kā ab vahīñ tāñtā
jahāñ rukā thā maiñ kāñTe nikālne ke liye
koī nasīm kā naġhma koī shamīm kā raag
fazā ko amn ke qālib meñ Dhālne ke liye
ḳhudā na karda zamīñ paañv se agar khiskī
baḌheñge tund bagūle sañbhālne ke liye
utar paḌe haiñ kidhar se ye āñdhiyoñ ke julūs
samundaroñ se jazīre nikālne ke liye
tire salīqa-e-tartīb-e-nau kā kyā kahnā
hamīñ the qarya-e-dil se nikālne ke liye
kabhī hamārī zarūrat paḌegī duniyā ko
diloñ kī barf ko sho'loñ meñ Dhālne ke liye
ye sho'bade hī sahī kuchh fusūñ-garoñ ko bulāo
na.ī fazā meñ sitāre uchhālne ke liye
hai sirf ham ko tire ḳhāl-o-ḳhad kā andāza
ye aa.ine tū haiñ hairat meñ Dālne ke liye
na jaane kitnī masāfat se aa.egā sūraj
nigār-e-shab kā janāza nikālne ke liye
maiñ pesh-rau huuñ isī ḳhaak se ugeñge charāġh
nigāh-o-dil ke ufuq ko ujālne ke liye
fasīl-e-shab se koī haath baḌhne vaalā hai
fazā kī jeb se sūraj nikālne ke liye
kuñ.eñ meñ pheñk ke pachhtā rahā huuñ ai 'dānish'
kamand thī jo mināroñ pe Dālne ke liye
وفا کا عہد تھا دل کو سنبھالنے کے لئے
وہ ہنس پڑے مجھے مشکل میں ڈالنے کے لئے
بندھا ہوا ہے بہاروں کا اب وہیں تانتا
جہاں رکا تھا میں کانٹے نکالنے کے لئے
کوئی نسیم کا نغمہ کوئی شمیم کا راگ
فضا کو امن کے قالب میں ڈھالنے کے لئے
خدا نہ کردہ زمیں پاؤں سے اگر کھسکی
بڑھیں گے تند بگولے سنبھالنے کے لئے
اتر پڑے ہیں کدھر سے یہ آندھیوں کے جلوس
سمندروں سے جزیرے نکالنے کے لئے
ترے سلیقۂ ترتیب نو کا کیا کہنا
ہمیں تھے قریۂ دل سے نکالنے کے لئے
کبھی ہماری ضرورت پڑے گی دنیا کو
دلوں کی برف کو شعلوں میں ڈھالنے کے لئے
یہ شعبدے ہی سہی کچھ فسوں گردوں کو بلاؤ
نئی فضا میں ستارے اچھالنے کے لئے
ہے صرف ہم کو ترے خال و خد کا اندازہ
یہ آئنہ تو ہیں حیرت میں ڈالنے کے لئے
نہ جانے کتنی مسافت سے آئے گا سورج
نگار شب کا جنازہ نکالنے کے لئے
میں پیش رو ہوں اسی خاک سے اگیں گے چراغ
نگاہ و دل کے افق کو اجالنے کے لئے
فصیل شب سے کوئی ہاتھ بڑھنے والا ہے
فضا کی جیب سے سورج نکالنے کے لئے
کنویں میں پھینک کے پچھتا رہا ہوں اے دانشؔ
کمند تھی جو مناروں پہ ڈالنے کے لئے