वा'दा था कब का बार-ए-ख़ुदा सोचने तो दे
माक़ूल कोई उज़्र नया सोचने तो दे
पर्ची वो जिस पे लिक्खा हुआ है पता तिरा
रख कर कहाँ मैं भूल गया सोचने तो दे
वो हिज्र भी तो गूँगी पहेली से कम न था
अब वस्ल आ पड़ा है ज़रा सोचने तो दे
ऐ चाल-बाज़ ऐसे न इतरा के मुस्कुरा
चलने दे चाल मुझ को ज़रा सोचने तो दे
हों इख़्तियार से भी परे कुछ तसर्रुफ़ात
अंदेशा-ए-हिसाब हटा सोचने तो दे
जो हो गया मैं उस पे हूँ राज़ी ख़ुदा क़सम
ये क्यूँ हुआ ये कैसे हुआ सोचने तो दे
va.ada thā kab kā bār-e-ḳhudā sochne to de
ma.aqūl koī uzr nayā sochne to de
parchī vo jis pe likkhā huā hai pata tirā
rakh kar kahāñ maiñ bhuul gayā sochne to de
vo hijr bhī to gūñgī pahelī se kam na thā
ab vasl aa paḌā hai zarā sochne to de
ai chāl-bāz aise na itrā ke muskurā
chalne de chaal mujh ko zarā sochne to de
hoñ iḳhtiyār se bhī pare kuchh tasarrufāt
andesha-e-hisāb haTā sochne to de
jo ho gayā maiñ us pe huuñ raazī ḳhudā qasam
ye kyuuñ huā ye kaise huā sochne to de
وعدہ تھا کب کا بار خدا سوچنے تو دے
معقول کوئی عذر نیا سوچنے تو دے
پرچی وہ جس پہ لکھا ہوا ہے پتہ ترا
رکھ کر کہاں میں بھول گیا سوچنے تو دے
وہ ہجر بھی تو گونگی پہیلی سے کم نہ تھا
اب وصل آ پڑا ہے ذرا سوچنے تو دے
اے چال باز ایسے نہ اترا کے مسکرا
چلنے دے چال مجھ کو ذرا سوچنے تو دے
ہوں اختیار سے بھی پرے کچھ تصرفات
اندیشۂ حساب ہٹا سوچنے تو دے
جو ہو گیا میں اس پہ ہوں راضی خدا قسم
یہ کیوں ہوا یہ کیسے ہوا سوچنے تو دے