अब सफ़र ख़त्म हुआ और वो लगा अच्छा अब
उस ने यूँ देखा मुझे जैसे कहा अच्छा अब
उस ने की है नई तारीख़ मुलाक़ात की तय
और तय मैं ने किया है कि नहीं मिलना अब
कोई रिश्ता ही नहीं हम-सफ़री का रिश्ता
यूँ भी रिश्तों को निभाने में है क्या रक्खा अब
वो चला जाए बहुत दूर कोई बात नहीं
मिरी पलकों से न बरसेगा कोई चेहरा अब
जाने किस शहर-ए-तिलिस्मात से लौटा 'साबिर'
अपने हर शे'र में लिखता है नया क़िस्सा अब
ab safar ḳhatm huā aur vo lagā achchhā ab
us ne yuuñ dekhā mujhe jaise kahā achchhā ab
us ne kī hai na.ī tārīḳh mulāqāt kī tai
aur tai maiñ ne kiyā hai ki nahīñ milnā ab
koī rishta hī nahīñ ham-safarī kā rishta
yuuñ bhī rishtoñ ko nibhāne meñ hai kyā rakkhā ab
vo chalā jaa.e bahut duur koī baat nahīñ
mirī palkoñ se na barsegā koī chehra ab
jaane kis shahr-e-tilismāt se lauTā 'sābir'
apne har sher meñ likhtā hai nayā qissa ab
اب سفر ختم ہوا اور وہ لگا اچھا اب
اس نے یوں دیکھا مجھے جیسے کہا اچھا اب
اس نے کی ہے نئی تاریخ ملاقات کی طے
اور طے میں نے کیا ہے کہ نہیں ملنا اب
کوئی رشتہ ہی نہیں ہم سفری کا رشتہ
یوں بھی رشتوں کو نبھانے میں ہے کیا رکھا اب
وہ چلا جائے بہت دور کوئی بات نہیں
مری پلکوں سے نہ برسے گا کوئی چہرہ اب
جانے کس شہر طلسمات سے لوٹا صابرؔ
اپنے ہر شعر میں لکھتا ہے نیا قصہ اب