आहिस्ता बोलिएगा तमाशा खड़ा न हो
बैरून-ए-ख़्वाब कोई हमें सुन रहा न हो
दीवारें उठ गई न हों दश्त-ए-जुनून में
रम-ख़ूर्दा वो ग़ज़ाल कहीं गुम-शुदा न हो
रख़्त-ए-सफ़र में बाँध लें पुर-शोर कुछ भँवर
दरिया है पुर-सुकून सफ़र बे-मज़ा न हो
यूँ तो वो एक आम सा पत्थर है मील का
लेकिन वहाँ से आगे अगर रास्ता न हो
मस्जिद पुकारती रही हय्या-अलल-फ़लाह
जैसे हमारा अपना कोई फ़ल्सफ़ा न हो
हम काट देंगे उम्र की ज़ंजीर एक दिन
हम-ज़ाद कर्ब-ए-दीद से शायद रिहा न हो
इक चाँद मुझ को ताकता रहता है इन दिनों
जैसे सिवाए मेरे कोई आईना न हो
हँस हँस के उस से बातें किए जा रहे हो तुम
'साबिर' वो दिल में और ही कुछ सोचता न हो
āhista boliyegā tamāshā khaḌā na ho
bairūn-e-ḳhvāb koī hameñ sun rahā na ho
dīvāreñ uTh ga.ī na hoñ dasht-e-junūn meñ
ram-ḳhurda vo ġhazāl kahīñ gum-shuda na ho
raḳht-e-safar meñ bāñdh leñ pur-shor kuchh bhañvar
dariyā hai pur-sukūn safar be-maza na ho
yuuñ to vo ek aam sā patthar hai miil kā
lekin vahāñ se aage agar rāsta na ho
masjid pukārtī rahī hayya-alal-falāh
jaise hamārā apnā koī falsafa na ho
ham kaaT deñge umr kī zanjīr ek din
ham-zād karb-e-dīd se shāyad rihā na ho
ik chāñd mujh ko tāktā rahtā hai in dinoñ
jaise sivā.e mere koī ā.īna na ho
hañs hañs ke us se bāteñ kiye jā rahe ho tum
'sābir' vo dil meñ aur hī kuchh sochtā na ho
آہستہ بولیے گا تماشا کھڑا نہ ہو
بیرون خواب کوئی ہمیں سن رہا نہ ہو
دیواریں اٹھ گئی نہ ہوں دشت جنون میں
رم خوردہ وہ غزال کہیں گمشدہ نہ ہو
رخت سفر میں باندھ لیں پر شور کچھ بھنور
دریا ہے پر سکون سفر بے مزہ نہ ہو
یوں تو وہ ایک عام سا پتھر ہے میل کا
لیکن وہاں سے آگے اگر راستہ نہ ہو
مسجد پکارتی رہی حی علی الفلاح
جیسے ہمارا اپنا کوئی فلسفہ نہ ہو
ہم کاٹ دیں گے عمر کی زنجیر ایک دن
ہم زاد کرب دید سے شاید رہا نہ ہو
اک چاند مجھ کو تاکتا رہتا ہے ان دنوں
جیسے سوائے میرے کوئی آئینہ نہ ہو
ہنس ہنس کے اس سے باتیں کیے جا رہے ہو تم
صابرؔ وہ دل میں اور ہی کچھ سوچتا نہ ہو