उसी से ख़ुश है दिल जिस से ख़फ़ा है
न जाने ये मुझे क्या हो गया है
जफ़ा होती रही ये भी वफ़ा है
बड़ा एहसान बे-मिन्नत जफ़ा है
न फ़रमाएँ सज़ा देने की ज़हमत
मोहब्बत आप ही अपनी सज़ा है
मुझे ना-दीदा जल्वे पर गुमाँ था
ये जल्वा तो मिरा देखा हुआ है
हक़ीक़त में मिरा गिर्या ही ऐ दोस्त
तिरे लब पर तबस्सुम बन गया है
'ज़हीन' इस बंदगी से बाज़ आया
वो काफ़िर क्या कोई मेरा ख़ुदा है
usī se ḳhush hai dil jis se ḳhafā hai
na jaane ye mujhe kyā ho gayā hai
jafā hotī rahī ye bhī vafā hai
baḌā ehsān be-minnat jafā hai
na farmā.eñ sazā dene kī zahmat
mohabbat aap hī apnī sazā hai
mujhe nā-dīda jalve par gumāñ thā
ye jalva to mirā dekhā huā hai
haqīqat meñ mirā girya hī ai dost
tire lab par tabassum ban gayā hai
'zahīn' is bandagī se baaz aayā
vo kāfir kyā koī merā ḳhudā hai
اسی سے خوش ہے دل جس سے خفا ہے
نہ جانے یہ مجھے کیا ہو گیا ہے
جفا ہوتی رہی یہ بھی وفا ہے
بڑا احسان بے منت جفا ہے
نہ فرمائیں سزا دینے کی زحمت
محبت آپ ہی اپنی سزا ہے
مجھے نا دیدہ جلوے پر گماں تھا
یہ جلوہ تو مرا دیکھا ہوا ہے
حقیقت میں مرا گریہ ہی اے دوست
ترے لب پر تبسم بن گیا ہے
ذہینؔ اس بندگی سے باز آیا
وہ کافر کیا کوئی میرا خدا ہے