उस के परतव से हुआ है ज़ाफ़रानी रंग का
आईना तो आज भी है कहकशानी रंग का
हिज्र के बादल छटे तो वस्ल की तक़्वीम में
दिल हुवैदा हो रहा है गुल्सितानी रंग का
पैरहन उस का है ऐसा या झलकता है बदन
इक परी-वश रक़्स में है उर्ग़ुवानी रंग का
आज की शब ख़ास होगी जब सुनाऊँगा उसे
एक क़िस्सा अपना ज़ाती दास्तानी रंग का
दोस्तों की मेहरबानी से हुआ ये काम भी
मैं ने देखा ही नहीं था ख़ून पानी रंग का
गर दिलों से यूँ धुआँ उठता रहेगा रात दिन
आसमाँ कैसे बचेगा आसमानी रंग का
हाँ उसी ने फूल टाँके होंगे इन अश्जार पर
जिस ने मिट्टी को दिया है जुब्बा धानी रंग का
us ke partav se huā hai zāfrānī rañg kā
ā.īna to aaj bhī hai kahkashānī rañg kā
hijr ke bādal chhaTe to vasl kī taqvīm meñ
dil huvaidā ho rahā hai gulsitānī rañg kā
pairahan us kā hai aisā yā jhalaktā hai badan
ik parī-vash raqs meñ hai urġhuvānī rañg kā
aaj kī shab ḳhaas hogī jab sunā.ūñgā use
ek qissa apnā zaatī dāstānī rañg kā
dostoñ kī mehrbānī se huā ye kaam bhī
maiñ ne dekhā hī nahīñ thā ḳhuun paanī rañg kā
gar diloñ se yuuñ dhuāñ uThtā rahegā raat din
āsmāñ kaise bachegā āsmānī rañg kā
haañ usī ne phuul Tāñke hoñge in ashjār par
jis ne miTTī ko diyā hai jubba dhānī rañg kā
اس کے پرتو سے ہوا ہے زعفرانی رنگ کا
آئینہ تو آج بھی ہے کہکشانی رنگ کا
ہجر کے بادل چھٹے تو وصل کی تقویم میں
دل ہویدا ہو رہا ہے گلستانی رنگ کا
پیرہن اس کا ہے ایسا یا جھلکتا ہے بدن
اک پری وش رقص میں ہے ارغوانی رنگ کا
آج کی شب خاص ہوگی جب سناؤں گا اسے
ایک قصہ اپنا ذاتی داستانی رنگ کا
دوستوں کی مہربانی سے ہوا یہ کام بھی
میں نے دیکھا ہی نہیں تھا خون پانی رنگ کا
گر دلوں سے یوں دھواں اٹھتا رہے گا رات دن
آسماں کیسے بچے گا آسمانی رنگ کا
ہاں اسی نے پھول ٹانکے ہوں گے ان اشجار پر
جس نے مٹی کو دیا ہے جبہ دھانی رنگ کا