अगर इस शहर की आब ओ हवा तब्दील हो जाए
तो फिर सब कुछ ब-जुज़ नाम-ए-ख़ुदा तब्दील हो जाए
मिरे होने ने दुनिया में सभी कुछ तो बदल डाला
मुझे तू ही बता अब और क्या तब्दील हो जाए
मुझे इस की ख़बर तक भी न होने पाए और इक दिन
सफ़र के दरमियाँ यूँ रास्ता तब्दील हो जाए
अजब ख़्वाहिश है सर से आसमाँ का साया उठ जाए
ज़मीं आब-ए-रवाँ में ज़ेर-ए-पा तब्दील हो जाए
तिलिस्म-ए-ख़्वाब से आँखें अगर आज़ाद हो जाएँ
तो ज़िंदा रहने का सारा मज़ा तब्दील हो जाए
agar is shahr kī aab o havā tabdīl ho jaa.e
to phir sab kuchh ba-juz nām-e-ḳhudā tabdīl ho jaa.e
mire hone ne duniyā meñ sabhī kuchh to badal Daalā
mujhe tū hī batā ab aur kyā tabdīl ho jaa.e
mujhe is kī ḳhabar tak bhī na hone paa.e aur ik din
safar ke darmiyāñ yuuñ rāsta tabdīl ho jaa.e
ajab ḳhvāhish hai sar se āsmāñ kā saaya uTh jaa.e
zamīñ āb-e-ravāñ meñ zer-e-pā tabdīl ho jaa.e
tilism-e-ḳhvāb se āñkheñ agar āzād ho jaa.eñ
to zinda rahne kā saarā maza tabdīl ho jaa.e
اگر اس شہر کی آب و ہوا تبدیل ہو جائے
تو پھر سب کچھ بجز نام خدا تبدیل ہو جائے
مرے ہونے نے دنیا میں سبھی کچھ تو بدل ڈالا
مجھے تو ہی بتا اب اور کیا تبدیل ہو جائے
مجھے اس کی خبر تک بھی نہ ہونے پائے اور اک دن
سفر کے درمیاں یوں راستہ تبدیل ہو جائے
عجب خواہش ہے سر سے آسماں کا سایہ اٹھ جائے
زمیں آب رواں میں زیر پا تبدیل ہو جائے
طلسم خواب سے آنکھیں اگر آزاد ہو جائیں
تو زندہ رہنے کا سارا مزہ تبدیل ہو جائے