उन्हें क्यूँ फूल दुश्मन ईद में पहनाए जाते हैं
वो शाख़-ए-गुल की सूरत नाज़ से बल खाए जाते हैं
अगर हम से ख़ुशी के दिन भी वो घबराए जाते हैं
तो क्या अब ईद मिलने को फ़रिश्ते आए जाते हैं
वो हँस कर कह रहे हैं मुझ से सुन कर ग़ैर के शिकवे
ये कब कब के फ़साने ईद में दोहराए जाते हैं
न छेड़ इतना उन्हें ऐ वादा-ए-शब की पशेमानी
कि अब तो ईद मिलने पर भी वो शरमाए जाते हैं
'क़मर' अफ़्शाँ चुनी है रुख़ पे उस ने इस सलीक़े से
सितारे आसमाँ से देखने को आए जाते हैं
unheñ kyuuñ phuul dushman eid meñ pahnā.e jaate haiñ
vo shāḳh-e-gul kī sūrat naaz se bal khaa.e jaate haiñ
agar ham se ḳhushī ke din bhī vo ghabrā.e jaate haiñ
to kyā ab eid milne ko farishte aa.e jaate haiñ
vo hañs kar kah rahe haiñ mujh se sun kar ġhair ke shikve
ye kab kab ke fasāne eid meñ dohrā.e jaate haiñ
na chheḌ itnā unheñ ai va.ada-e-shab kī pashemānī
ki ab to eid milne par bhī vo sharmā.e jaate haiñ
'qamar' afshāñ chunī hai ruḳh pe us ne is salīqe se
sitāre āsmāñ se dekhne ko aa.e jaate haiñ
انہیں کیوں پھول دشمن عید میں پہنائے جاتے ہیں
وہ شاخ گل کی صورت ناز سے بل کھائے جاتے ہیں
اگر ہم سے خوشی کے دن بھی وہ گھبرائے جاتے ہیں
تو کیا اب عید ملنے کو فرشتے آئے جاتے ہیں
وہ ہنس کر کہہ رہے ہیں مجھ سے سن کر غیر کے شکوے
یہ کب کب کے فسانے عید میں دہرائے جاتے ہیں
نہ چھیڑ اتنا انہیں اے وعدۂ شب کی پشیمانی
کہ اب تو عید ملنے پر بھی وہ شرمائے جاتے ہیں
قمرؔ افشاں چنی ہے رخ پہ اس نے اس سلیقہ سے
ستارے آسماں سے دیکھنے کو آئے جاتے ہیں