उन की तरफ़ से तर्क-ए-मुलाक़ात हो गई
हम जिस से डर रहे थे वही बात हो गई
आईना देखने में नई बात हो गई
उन से ही आज उन की मुलाक़ात हो गई
तय उन से रोज़-ए-हश्र मुलाक़ात हो गई
इतनी सी बात कितनी बड़ी बात हो गई
कम-ज़र्फ़ी-ए-हयात से तंग आ गया था मैं
अच्छा हुआ क़ज़ा से मुलाक़ात हो गई
दिन में भटक रहे हैं जो मंज़िल की राह से
ये लोग क्या करेंगे अगर रात हो गई
आए हैं वो मरीज़-ए-मोहब्बत को देख कर
आँसू बता रहे हैं कोई बात हो गई
था और कौन पूछने वाला मरीज़ का
तुम आ गए तो पुर्सिश-ए-हालात हो गई
ऐ बुलबुल-ए-बहार-ए-चमन अपनी ख़ैर माँग
सय्याद-ओ-बाग़बाँ में मुलाक़ात हो गई
जब ज़ुल्फ़ याद आ गई यूँ अश्क बह गए
जैसे अँधेरी रात में बरसात हो गई
गुलशन का होश अहल-ए-जुनूँ को भला कहाँ
सहरा में पड़ रहे तो बसर रात हो गई
दर-पर्दा बज़्म-ए-ग़ैर में दोनों की गुफ़्तुगू
उट्ठी उधर निगाह इधर बात हो गई
कब तक 'क़मर' हो शाम के वा'दे का इंतिज़ार
सूरज छुपा चराग़ जले रात हो गई
un kī taraf se tark-e-mulāqāt ho ga.ī
ham jis se Dar rahe the vahī baat ho ga.ī
ā.īna dekhne meñ na.ī baat ho ga.ī
un se hī aaj un kī mulāqāt ho ga.ī
tai un se roz-e-hashr mulāqāt ho ga.ī
itnī sī baat kitnī baḌī baat ho ga.ī
kam-zarfī-e-hayāt se tang aa gayā thā maiñ
achchhā huā qazā se mulāqāt ho ga.ī
din meñ bhaTak rahe haiñ jo manzil kī raah se
ye log kyā kareñge agar raat ho ga.ī
aa.e haiñ vo marīz-e-mohabbat ko dekh kar
aañsū batā rahe haiñ koī baat ho ga.ī
thā aur kaun pūchhne vaalā marīz kā
tum aa ga.e to pursish-e-hālāt ho ga.ī
ai bulbul-e-bahār-e-chaman apnī ḳhair maañg
sayyād-o-bāġhbāñ meñ mulāqāt ho ga.ī
jab zulf yaad aa ga.ī yuuñ ashk bah ga.e
jaise añdherī raat meñ barsāt ho ga.ī
gulshan kā hosh ahl-e-junūñ ko bhalā kahāñ
sahrā meñ paḌ rahe to basar raat ho ga.ī
dar-parda bazm-e-ġhair meñ donoñ kī guftugū
uTThī udhar nigāh idhar baat ho ga.ī
kab tak 'qamar' ho shaam ke va.ade kā intizār
sūraj chhupā charāġh jale raat ho ga.ī
ان کی طرف سے ترک ملاقات ہو گئی
ہم جس سے ڈر رہے تھے وہی بات ہو گئی
آئینہ دیکھنے میں نئی بات ہو گئی
ان سے ہی آج ان کی ملاقات ہو گئی
طے ان سے روز حشر ملاقات ہو گئی
اتنی سی بات کتنی بڑی بات ہو گئی
کم ظرفیٔ حیات سے تنگ آ گیا تھا میں
اچھا ہوا قضا سے ملاقات ہو گئی
دن میں بھٹک رہے ہیں جو منزل کی راہ سے
یہ لوگ کیا کریں گے اگر رات ہو گئی
آئے ہیں وہ مریض محبت کو دیکھ کر
آنسو بتا رہے ہیں کوئی بات ہو گئی
تھا اور کون پوچھنے والا مریض کا
تم آ گئے تو پرسش حالات ہو گئی
اے بلبل بہار چمن اپنی خیر مانگ
صیاد و باغباں میں ملاقات ہو گئی
جب زلف یاد آ گئی یوں اشک بہہ گئے
جیسے اندھیری رات میں برسات ہو گئی
گلشن کا ہوش اہل جنوں کو بھلا کہاں
صحرا میں پڑ رہے تو بسر رات ہو گئی
در پردہ بزم غیر میں دونوں کی گفتگو
اٹھی ادھر نگاہ ادھر بات ہو گئی
کب تک قمرؔ ہو شام کے وعدے کا انتظار
سورج چھپا چراغ جلے رات ہو گئی