उमीद-ओ-बीम के मेहवर से हट के देखते हैं
ज़रा सी देर को दुनिया से कट के देखते हैं
बिखर चुके हैं बहुत बाग़ ओ दश्त ओ दरिया में
अब अपने हुजरा-ए-जाँ में सिमट के देखते हैं
तमाम ख़ाना-ब-दोशों में मुश्तरक है ये बात
सब अपने अपने घरों को पलट के देखते हैं
फिर इस के बा'द जो होना है हो रहे सर-ए-दस्त
बिसात-ए-आफ़ियत-ए-जाँ उलट के देखते हैं
वही है ख़्वाब जिसे मिल के सब ने देखा था
अब अपने अपने क़बीलों में बट के देखते हैं
सुना ये है कि सुबुक हो चली है क़ीमत-ए-हर्फ़
सो हम भी अब क़द-ओ-क़ामत में घट के देखते हैं
umīd-o-bīm ke mehvar se haT ke dekhte haiñ
zarā sī der ko duniyā se kaT ke dekhte haiñ
bikhar chuke haiñ bahut baaġh o dasht o dariyā meñ
ab apne hujra-e-jāñ meñ simaT ke dekhte haiñ
tamām ḳhāna-ba-doshoñ meñ mushtarak hai ye baat
sab apne apne gharoñ ko palaT ke dekhte haiñ
phir is ke ba.ad jo honā hai ho rahe sar-e-dast
bisāt-e-āfiyat-e-jāñ ulaT ke dekhte haiñ
vahī hai ḳhvāb jise mil ke sab ne dekhā thā
ab apne apne qabīloñ meñ baT ke dekhte haiñ
sunā ye hai ki subuk ho chalī hai qīmat-e-harf
so ham bhī ab qad-o-qāmat meñ ghaT ke dekhte haiñ
امید و بیم کے محور سے ہٹ کے دیکھتے ہیں
ذرا سی دیر کو دنیا سے کٹ کے دیکھتے ہیں
بکھر چکے ہیں بہت باغ و دشت و دریا میں
اب اپنے حجرۂ جاں میں سمٹ کے دیکھتے ہیں
تمام خانہ بدوشوں میں مشترک ہے یہ بات
سب اپنے اپنے گھروں کو پلٹ کے دیکھتے ہیں
پھر اس کے بعد جو ہونا ہے ہو رہے سر دست
بساط عافیت جاں الٹ کے دیکھتے ہیں
وہی ہے خواب جسے مل کے سب نے دیکھا تھا
اب اپنے اپنے قبیلوں میں بٹ کے دیکھتے ہیں
سنا یہ ہے کہ سبک ہو چلی ہے قیمت حرف
سو ہم بھی اب قد و قامت میں گھٹ کے دیکھتے ہیں