उमीद-ओ-बीम के 'आलम में दिल दहलता है
वो आते आते कई रास्ते बदलता है
अभी तो शाम है तन्क़ीद कर न रिंदों पर
सुना है रात गए मय-कदा सँभलता है
न कोई ख़ौफ़ न अंदेशा और न रख़्त-ए-सफ़र
ये कौन है जो मिरे साथ साथ चलता है
हमारे वास्ते जिस जा पे हद्द-ए-फ़ासिल है
वहीं से एक नया रास्ता निकलता है
'अजीब चीज़ है ये कर्ब-ए-ख़ुद-कलामी भी
जो बात कीजे तो इक सिलसिला निकलता है
न जाने कितने सर-ए-पुर-ग़ुरूर कटते हैं
'अजीब शख़्स है तलवार बन के चलता है
'हबाब' शिकवा बजा लाओ नक़्द-ए-जाँ के तुफ़ैल
तुम्हारे नाम का सिक्का यहाँ भी चलता है
umīd-o-bīm ke 'ālam meñ dil dahaltā hai
vo aate aate ka.ī rāste badaltā hai
abhī to shaam hai tanqīd kar na rindoñ par
sunā hai raat ga.e mai-kada sañbhaltā hai
na koī ḳhauf na andesha aur na raḳht-e-safar
ye kaun hai jo mire saath saath chaltā hai
hamāre vāste jis jā pe hadd-e-fāsil hai
vahīñ se ek nayā rāsta nikaltā hai
'ajīb chiiz hai ye karb-e-ḳhud-kalāmī bhī
jo baat kiije to ik silsila nikaltā hai
na jaane kitne sar-e-pur-ġhurūr kaTte haiñ
'ajīb shaḳhs hai talvār ban ke chaltā hai
'habāb' shikva bajā laao naqd-e-jāñ ke tufail
tumhāre naam kā sikka yahāñ bhī chaltā hai
امید و بیم کے عالم میں دل دہلتا ہے
وہ آتے آتے کئی راستے بدلتا ہے
ابھی تو شام ہے تنقید کر نہ رندوں پر
سنا ہے رات گئے مے کدہ سنبھلتا ہے
نہ کوئی خوف نہ اندیشہ اور نہ رخت سفر
یہ کون ہے جو مرے ساتھ ساتھ چلتا ہے
ہمارے واسطے جس جا پہ حد فاصل ہے
وہیں سے ایک نیا راستہ نکلتا ہے
عجیب چیز ہے یہ کرب خود کلامی بھی
جو بات کیجے تو اک سلسلہ نکلتا ہے
نہ جانے کتنے سر پر غرور کٹتے ہیں
عجیب شخص ہے تلوار بن کے چلتا ہے
حبابؔ شکوہ بجا لاؤ نقد جاں کے طفیل
تمہارے نام کا سکہ یہاں بھی چلتا ہے