जज़्बा-ए-शौक़ ने यूँ दाद-ए-वफ़ा पाई है
खिंच के मंज़िल मिरे क़दमों में चली आई है
आज तक मिट न सकी माथे से सज्दों की ख़लिश
एक मुद्दत से तिरे दर पे जबीं-साई है
आइना तोड़ के हाथों में लिए बैठे हैं
इबरत-अंगेज़ ये अंजाम-ए-ख़ुद-आराई है
आप आएँ न सही मुझ को बुलाएँ न सही
आप की याद रफ़ीक़-ए-शब-ए-तन्हाई है
मेहरबाँ वो हैं तो अग़्यार परेशाँ क्यों हैं
मेरी और उन की तो बरसों की शनासाई है
कोई नग़्मा कोई संगीत कोई गीत नहीं
ज़िंदगी दर्द में डूबी हुई शहनाई है
जिन को इंकार था अब वो भी तो कहते हैं 'हबाब'
तेरे अशआ'र में गहराई है गीराई है
jazba-e-shauq ne yuuñ dād-e-vafā paa.ī hai
khiñch ke manzil mire qadmoñ meñ chalī aa.ī hai
aaj tak miT na sakī māthe se sajdoñ kī ḳhalish
ek muddat se tire dar pe jabīñ-sā.ī hai
aa.ina toḌ ke hāthoñ meñ liye baiThe haiñ
ibrat-añgez ye anjām-e-ḳhud-ārā.ī hai
aap aa.eñ na sahī mujh ko bulā.eñ na sahī
aap kī yaad rafīq-e-shab-e-tanhā.ī hai
mehrbāñ vo haiñ to aġhyār pareshāñ kyoñ haiñ
merī aur un kī to barsoñ kī shanāsā.ī hai
koī naġhma koī sañgīt koī giit nahīñ
zindagī dard meñ Duubī huī shahnā.ī hai
jin ko inkār thā ab vo bhī to kahte haiñ 'habāb'
tere ash.ār meñ gahrā.ī hai gīrā.ī hai
جذبۂ شوق نے یوں داد وفا پائی ہے
کھنچ کے منزل مرے قدموں میں چلی آئی ہے
آج تک مٹ نہ سکی ماتھے سے سجدوں کی خلش
ایک مدت سے ترے در پہ جبیں سائی ہے
آئنہ توڑ کے ہاتھوں میں لئے بیٹھے ہیں
عبرت انگیز یہ انجام خود آرائی ہے
آپ آئیں نہ سہی مجھ کو بلائیں نہ سہی
آپ کی یاد رفیق شب تنہائی ہے
مہرباں وہ ہیں تو اغیار پریشاں کیوں ہیں
میری اور ان کی تو برسوں کی شناسائی ہے
کوئی نغمہ کوئی سنگیت کوئی گیت نہیں
زندگی درد میں ڈوبی ہوئی شہنائی ہے
جن کو انکار تھا اب وہ بھی تو کہتے ہیں حبابؔ
تیرے اشعار میں گہرائی ہے گیرائی ہے