तू ने अपना जल्वा दिखाने को जो नक़ाब मुँह से उठा दिया
वहीं महव-ए-हैरत-ए-बे-ख़ुदी मुझे आइना सा बना दिया
वो जो नक़्श-ए-पा की तरह रही थी नुमूद अपने वजूद की
सो कशिश ने दामन-ए-नाज़ की उसे भी ज़मीं से मिटा दिया
रग-ओ-पै में आग भड़क उठी फुंके है पड़ा ये सभी बदन
मुझे साक़िया मय-ए-आतिशीं का ये जाम कैसा पिला दिया
जभी जा के मकतब-ए-इश्क़ में सबक़-ए-मक़ाम-ए-फ़ना लिया
जो लिखा पढ़ा था 'नियाज़' ने सो वो साफ़ दिल से भुला दिया
tū ne apnā jalva dikhāne ko jo naqāb muñh se uThā diyā
vahīñ mahv-e-hairat-e-be-ḳhudī mujhe aa.ina sā banā diyā
vo jo naqsh-e-pā kī tarah rahī thī numūd apne vajūd kī
so kashish ne dāman-e-nāz kī use bhī zamīñ se miTā diyā
rag-o-pai meñ aag bhaḌak uThī phuñke hai paḌā ye sabhī badan
mujhe sāqiyā mai-e-ātishīñ kā ye jaam kaisā pilā diyā
jabhī jā ke maktab-e-ishq meñ sabaq-e-maqām-e-fanā liyā
jo likhā paḌhā thā 'niyāz' ne so vo saaf dil se bhulā diyā
تو نے اپنا جلوہ دکھانے کو جو نقاب منہ سے اٹھا دیا
وہیں محو حیرت بے خودی مجھے آئنہ سا بنا دیا
وہ جو نقش پا کی طرح رہی تھی نمود اپنے وجود کی
سو کشش نے دامن ناز کی اسے بھی زمیں سے مٹا دیا
رگ و پے میں آگ بھڑک اٹھی پھنکے ہے پڑا یہ سبھی بدن
مجھے ساقیا مئے آتشیں کا یہ جام کیسا پلا دیا
جبھی جا کے مکتب عشق میں سبق مقام فنا لیا
جو لکھا پڑھا تھا نیازؔ نے سو وہ صاف دل سے بھلا دیا