दिल की बर्बादी में शामिल थी रज़ा आँखों की
इस की पादाश में काम आई ज़िया आँखों की
आँख माहौल से जब तर्क-ए-तअ'ल्लुक़ कर ले
ग़ौर कीजे तो वो होती है अना आँखों की
ज़ेर-ए-लब मौज-ए-तबस्सुम न 'अरूसाना लिबास
हुस्न-ए-मा'सूम की पहचान हया आँखों की
हाल-ए-दिल लफ़्ज़ों का मुहताज है ये किस ने कहा
कोई समझे तो ये आँसू हैं सदा आँखों की
हम को ले डूबेगा ये ज़ाहिर-ओ-बातिन का तज़ाद
रूह का कर्ब जुदा राह जुदा आँखों की
गौहर-ए-अश्क को अर्ज़ां नहीं करते ये लोग
क़द्र पहचानते हैं अहल-ए-वफ़ा आँखों की
आँखों वालों ने उड़ाया है अँधेरों का मज़ाक़
रौशनी छीन न ले उन से ख़ुदा आँखों की
इस को क्या कहते हैं 'इक़बाल' मैं किस से पूछूँ
हुस्न ख़ुद दाद-तलब और ख़ता आँखों की
dil kī barbādī meñ shāmil thī razā āñkhoñ kī
is kī pādāsh meñ kaam aa.ī ziyā āñkhoñ kī
aañkh māhaul se jab tark-e-ta.alluq kar le
ġhaur kiije to vo hotī hai anā āñkhoñ kī
zer-e-lab mauj-e-tabassum na 'arūsāna libās
husn-e-ma.asūm kī pahchān hayā āñkhoñ kī
hāl-e-dil lafzoñ kā muhtāj hai ye kis ne kahā
koī samjhe to ye aañsū haiñ sadā āñkhoñ kī
ham ko le Dūbegā ye zāhir-o-bātin kā tazād
ruuh kā karb judā raah judā āñkhoñ kī
gauhar-e-ashk ko arzāñ nahīñ karte ye log
qadr pahchānte haiñ ahl-e-vafā āñkhoñ kī
āñkhoñ vāloñ ne uḌāyā hai añdheroñ kā mazāq
raushnī chhīn na le un se ḳhudā āñkhoñ kī
is ko kyā kahte haiñ 'iqbāl' maiñ kis se pūchhūñ
husn ḳhud dād-talab aur ḳhatā āñkhoñ kī
دل کی بربادی میں شامل تھی رضا آنکھوں کی
اس کی پاداش میں کام آئی ضیا آنکھوں کی
آنکھ ماحول سے جب ترک تعلق کر لے
غور کیجے تو وہ ہوتی ہے انا آنکھوں کی
زیر لب موج تبسم نہ عروسانہ لباس
حسن معصوم کی پہچان حیا آنکھوں کی
حال دل لفظوں کا محتاج ہے یہ کس نے کہا
کوئی سمجھے تو یہ آنسو ہیں صدا آنکھوں کی
ہم کو لے ڈوبے گا یہ ظاہر و باطن کا تضاد
روح کا کرب جدا راہ جدا آنکھوں کی
گوہر اشک کو ارزاں نہیں کرتے یہ لوگ
قدر پہچانتے ہیں اہل وفا آنکھوں کی
آنکھوں والوں نے اڑایا ہے اندھیروں کا مذاق
روشنی چھین نہ لے ان سے خدا آنکھوں کی
اس کو کیا کہتے ہیں اقبالؔ میں کس سے پوچھوں
حسن خود داد طلب اور خطا آنکھوں کی