तू अपनी आवाज़ में गुम है मैं अपनी आवाज़ में चुप
दोनों बीच खड़ी है दुनिया आईना-ए-अल्फ़ाज़ में चुप
अव्वल अव्वल बोल रहे थे ख़्वाब-भरी हैरानी में
फिर हम दोनों चले गए पाताल से गहरे राज़ में चुप
ख़्वाब-सरा-ए-ज़ात में ज़िंदा एक तो सूरत ऐसी है
जैसे कोई देवी बैठी हो हुजरा-ए-राज़-ओ-नियाज़ में चुप
अब कोई छू के क्यूँ नहीं आता उधर सिरे का जीवन-अंग
जानते हैं पर क्या बतलाएँ लग गई क्यूँ पर्वाज़ में चुप
फिर ये खेल-तमाशा सारा किस के लिए और क्यूँ साहब
जब इस के अंजाम में चुप है जब इस के आग़ाज़ में चुप
नींद-भरी आँखों से चूमा दिए ने सूरज को और फिर
जैसे शाम को अब नहीं जलना खींच ली इस अंदाज़ में चुप
ग़ैब-समय के ज्ञान में पागल कितनी तान लगाएगा
जितने सुर हैं साज़ से बाहर उस से ज़ियादा साज़ में चुप
tū apnī āvāz meñ gum hai maiñ apnī āvāz meñ chup
donoñ biich khaḌī hai duniyā ā.īna-e-alfāz meñ chup
avval avval bol rahe the ḳhvāb-bharī hairānī meñ
phir ham donoñ chale ga.e pātāl se gahre raaz meñ chup
ḳhvāb-sarā-e-zāt meñ zinda ek to sūrat aisī hai
jaise koī devī baiThī ho hujra-e-rāz-o-niyāz meñ chup
ab koī chhū ke kyuuñ nahīñ aatā udhar sire kā jīvan-añg
jānte haiñ par kyā batlā.eñ lag ga.ī kyuuñ parvāz meñ chup
phir ye khel-tamāshā saarā kis ke liye aur kyuuñ sāhab
jab is ke anjām meñ chup hai jab is ke āġhāz meñ chup
nīñd-bharī āñkhoñ se chūmā diye ne sūraj ko aur phir
jaise shaam ko ab nahīñ jalnā khīñch lī is andāz meñ chup
ġhaib-samay ke gyaan meñ pāgal kitnī taan lagā.egā
jitne sur haiñ saaz se bāhar us se ziyāda saaz meñ chup
تو اپنی آواز میں گم ہے میں اپنی آواز میں چپ
دونوں بیچ کھڑی ہے دنیا آئینۂ الفاظ میں چپ
اول اول بول رہے تھے خواب بھری حیرانی میں
پھر ہم دونوں چلے گئے پاتال سے گہرے راز میں چپ
خواب سرائے ذات میں زندہ ایک تو صورت ایسی ہے
جیسے کوئی دیوی بیٹھی ہو حجرۂ راز و نیاز میں چپ
اب کوئی چھو کے کیوں نہیں آتا ادھر سرے کا جیون انگ
جانتے ہیں پر کیا بتلائیں لگ گئی کیوں پرواز میں چپ
پھر یہ کھیل تماشا سارا کس کے لیے اور کیوں صاحب
جب اس کے انجام میں چپ ہے جب اس کے آغاز میں چپ
نیند بھری آنکھوں سے چوما دیئے نے سورج کو اور پھر
جیسے شام کو اب نہیں جلنا کھینچ لی اس انداز میں چپ
غیب سمے کے گیان میں پاگل کتنی تان لگائے گا
جتنے سر ہیں ساز سے باہر اس سے زیادہ ساز میں چپ