तुम्हारे काम अगर आए मुस्कुराने में
तो कोई हर्ज नहीं मेरे टूट जाने में
फ़रोख़्त हो गई हर शय जो दिल मकान में थी
मैं इतना ख़र्च हुआ हूँ उसे कमाने में
मैं अपनी जान से जाऊँगा है ये सच लेकिन
उसे भी ज़ख़्म तो आएँगे आज़माने में
वो एक लफ़्ज़-ए-मोहब्बत न बिन सका मुझ से
हज़ार बार मिटा हूँ जिसे बनाने में
तुम्हें तो सिर्फ़ ख़बर है चराग़ जलने की
हमारे हाथ जले हैं उसे जलाने में
तुम्हारे वस्ल की मस्ती थी और मय-ख़ाना
शराब ले के गया था शराब-ख़ाने में
इमारतों में मोहब्बत का देवता है वो
हमारे हाथ कटे हैं जिसे बनाने में
tumhāre kaam agar aa.e muskurāne meñ
to koī harj nahīñ mere TuuT jaane meñ
faroḳht ho ga.ī har shai jo dil makān meñ thī
maiñ itnā ḳharch huā huuñ use kamāne meñ
maiñ apnī jaan se jā.ūñgā hai ye sach lekin
use bhī zaḳhm to ā.eñge āzmāne meñ
vo ek lafz-e-mohabbat na bin sakā mujh se
hazār baar miTā huuñ jise banāne meñ
tumheñ to sirf ḳhabar hai charāġh jalne kī
hamāre haath jale haiñ use jalāne meñ
tumhāre vasl kī mastī thī aur mai-ḳhāna
sharāb le ke gayā thā sharāb-ḳhāne meñ
imāratoñ meñ mohabbat kā devtā hai vo
hamāre haath kaTe haiñ jise banāne meñ
تمہارے کام اگر آئے مسکرانے میں
تو کوئی حرج نہیں میرے ٹوٹ جانے میں
فروخت ہو گئی ہر شے جو دل مکان میں تھی
میں اتنا خرچ ہوا ہوں اسے کمانے میں
میں اپنی جان سے جاؤں گا ہے یہ سچ لیکن
اسے بھی زخم تو آئیں گے آزمانے میں
وہ ایک لفظ محبت نہ بن سکا مجھ سے
ہزار بار مٹا ہوں جسے بنانے میں
تمہیں تو صرف خبر ہے چراغ جلنے کی
ہمارے ہاتھ جلے ہیں اسے جلانے میں
تمہارے وصل کی مستی تھی اور مے خانہ
شراب لے کے گیا تھا شراب خانے میں
عمارتوں میں محبت کا دیوتا ہے وہ
ہمارے ہاتھ کٹے ہیں جسے بنانے میں