तुम उसी को वज्ह-ए-तरब कहो हम उसी को बाइ'स-ए-ग़म कहें
वही इक फ़साना-ए-इश्क़ है कभी तुम कहो कभी हम कहें
कभी ज़िक्र-ए-मेहर-ओ-वफ़ा करें कभी दास्तान-ए-अलम कहें
बड़े ए'तिमाद से वो सुनें बड़े ए'तिमाद से हम कहें
जिसे इंक़लाब न छू सका उसे तू ने ख़ुद ही मिटा दिया
वही एक दिल का सनम-कदा जिसे आबरू-ए-हरम कहें
वही दिल-ख़राश सी इक नज़र जो ब-क़द्र-ए-ज़ौक़ है नेश्तर
उसे कोई तर्ज़-ए-सितम कहे हम अदा-ए-पुर्सिश-ए-ग़म कहें
तुझे ये ख़बर नहीं साक़िया कि है मय-कशों का मक़ाम क्या
ये उन्हीं की वुसअ'त-ए-क़ल्ब है कि ख़ुद अपने ज़र्फ़ को कम कहें
हमा-आरज़ू हमा-बे-खु़दी हमा-बंदगी हमा-बे-कसी
यही चंद लम्हों की ज़िंदगी इसे क्यूँ न फ़ुर्सत-ए-ग़म कहें
'क़मर' इस से हम को ग़रज़ ही क्या है सभी से उस का मोआ'मला
जो ख़ुदा कहें वो ख़ुदा कहें जो सनम कहें वो सनम कहें
tum usī ko vaj.h-e-tarab kaho ham usī ko bā.is-e-ġham kaheñ
vahī ik fasāna-e-ishq hai kabhī tum kaho kabhī ham kaheñ
kabhī zikr-e-mehr-o-vafā kareñ kabhī dāstān-e-alam kaheñ
baḌe e'timād se vo suneñ baḌe e'timād se ham kaheñ
jise inqalāb na chhū sakā use tū ne ḳhud hī miTā diyā
vahī ek dil kā sanam-kada jise ābrū-e-haram kaheñ
vahī dil-ḳharāsh sī ik nazar jo ba-qadr-e-zauq hai neshtar
use koī tarz-e-sitam kahe ham adā-e-pursish-e-ġham kaheñ
tujhe ye ḳhabar nahīñ sāqiyā ki hai mai-kashoñ kā maqām kyā
ye unhīñ kī vus.at-e-qalb hai ki ḳhud apne zarf ko kam kaheñ
hama-ārzū hama-be-ḳhudī hama-bandagī hama-be-kasī
yahī chand lamhoñ kī zindagī ise kyuuñ na fursat-e-ġham kaheñ
'qamar' is se ham ko ġharaz hī kyā hai sabhī se us kā mo.āmla
jo ḳhudā kaheñ vo ḳhudā kaheñ jo sanam kaheñ vo sanam kaheñ
تم اسی کو وجہ طرب کہو ہم اسی کو باعث غم کہیں
وہی اک فسانۂ عشق ہے کبھی تم کہو کبھی ہم کہیں
کبھی ذکر مہر و وفا کریں کبھی داستان الم کہیں
بڑے اعتماد سے وہ سنیں بڑے اعتماد سے ہم کہیں
جسے انقلاب نہ چھو سکا اسے تو نے خود ہی مٹا دیا
وہی ایک دل کا صنم کدہ جسے آبروئے حرم کہیں
وہی دل خراش سی اک نظر جو بقدر ذوق ہے نیشتر
اسے کوئی طرز ستم کہے ہم ادائے پرسش غم کہیں
تجھے یہ خبر نہیں ساقیا کہ ہے میکشوں کا مقام کیا
یہ انہیں کی وسعت قلب ہے کہ خود اپنے ظرف کو کم کہیں
ہمہ آرزو ہمہ بے خودی ہمہ بندگی ہمہ بے کسی
یہی چند لمحوں کی زندگی اسے کیوں نہ فرصت غم کہیں
قمرؔ اس سے ہم کو غرض ہی کیا ہے سبھی سے اس کا معاملہ
جو خدا کہیں وہ خدا کہیں جو صنم کہیں وہ صنم کہیں