बे-नक़ाब उन की जफ़ाओं को किया है मैं ने
वक़्त के हाथ में आईना दिया है मैं ने
ख़ून ख़ुद शौक़ ओ तमन्ना का किया है मैं ने
अपनी तस्वीर को इक रंग दिया है मैं ने
ये तो सच है कि नहीं अपने गरेबाँ की ख़बर
तेरा दामन तो कई बार सिया है मैं ने
रसन ओ दार की तक़दीर जगा दी जिस ने
तेरी दुनिया में वो ऐलान किया है मैं ने
हर्फ़ आने न दिया इश्क़ की ख़ुद्दारी पर
काम नाकाम तमन्ना से लिया है मैं ने
जब कभी उन की जफ़ाओं की शिकायत की है
तजज़िया अपनी वफ़ा का भी किया है मैं ने
मुद्दतों बाद जो इस राह से गुज़रा हूँ 'क़मर'
अहद-ए-रफ़्ता को बहुत याद किया है मैं ने
be-naqāb un kī jafāoñ ko kiyā hai maiñ ne
vaqt ke haath meñ ā.īna diyā hai maiñ ne
ḳhuun ḳhud shauq o tamannā kā kiyā hai maiñ ne
apnī tasvīr ko ik rañg diyā hai maiñ ne
ye to sach hai ki nahīñ apne garebāñ kī ḳhabar
terā dāman to ka.ī baar siyā hai maiñ ne
rasan o daar kī taqdīr jagā dī jis ne
terī duniyā meñ vo ailān kiyā hai maiñ ne
harf aane na diyā ishq kī ḳhuddārī par
kaam nākām tamannā se liyā hai maiñ ne
jab kabhī un kī jafāoñ kī shikāyat kī hai
tajziya apnī vafā kā bhī kiyā hai maiñ ne
muddatoñ baad jo is raah se guzrā huuñ 'qamar'
ahd-e-rafta ko bahut yaad kiyā hai maiñ ne
بے نقاب ان کی جفاؤں کو کیا ہے میں نے
وقت کے ہاتھ میں آئینہ دیا ہے میں نے
خون خود شوق و تمنا کا کیا ہے میں نے
اپنی تصویر کو اک رنگ دیا ہے میں نے
یہ تو سچ ہے کہ نہیں اپنے گریباں کی خبر
تیرا دامن تو کئی بار سیا ہے میں نے
رسن و دار کی تقدیر جگا دی جس نے
تیری دنیا میں وہ اعلان کیا ہے میں نے
حرف آنے نہ دیا عشق کی خودداری پر
کام ناکام تمنا سے لیا ہے میں نے
جب کبھی ان کی جفاؤں کی شکایت کی ہے
تجزیہ اپنی وفا کا بھی کیا ہے میں نے
مدتوں بعد جو اس راہ سے گزرا ہوں قمرؔ
عہد رفتہ کو بہت یاد کیا ہے میں نے