मेरी राहों में कई मरहले दुश्वार आए
दैर आया हरम आया रसन-ओ-दार आए
जल्वा-गाहों में अभी शम-ए-यक़ीं जलने दो
क्या अजब है जो कोई तालिब-ए-दीदार आए
महफ़िल-ए-नाज़ के आदाब हैं सब पर लाज़िम
कोई दीवाना यहाँ आए कि होश्यार आए
इश्क़ में वुसअ'त-ए-कौनैन से शाइस्ता गुज़र
क्या ख़बर है कि कहाँ जल्वा-गह-ए-यार आए
साज़-ए-हस्ती में वो सोज़-ए-अबदी पैदा कर
दिल के टूटे हुए तारों से भी झंकार आए
मौज-ओ-साहिल मह-ओ-अंजुम गुल-ओ-लाला देखे
जब कहीं तुझ को न पाया तो सर-ए-दार आए
लज़्ज़त-ए-दर्द नहीं सब के मुक़द्दर में 'क़मर'
जिस के हिस्सा में भी ये दौलत-ए-बेदार आए
merī rāhoñ meñ ka.ī marhale dushvār aa.e
dair aayā haram aayā rasan-o-dār aa.e
jalva-gāhoñ meñ abhī sham-e-yaqīñ jalne do
kyā ajab hai jo koī tālib-e-dīdār aa.e
mahfil-e-nāz ke ādāb haiñ sab par lāzim
koī dīvāna yahāñ aa.e ki hoshyār aa.e
ishq meñ vus.at-e-kaunain se shā.ista guzar
kyā ḳhabar hai ki kahāñ jalva-gah-e-yār aa.e
sāz-e-hastī meñ vo soz-e-abadī paidā kar
dil ke TuuTe hue tāroñ se bhī jhankār aa.e
mauj-o-sāhil mah-o-anjum gul-o-lāla dekhe
jab kahīñ tujh ko na paayā to sar-e-dār aa.e
lazzat-e-dard nahīñ sab ke muqaddar meñ 'qamar'
jis ke hissa meñ bhī ye daulat-e-bedār aa.e
میری راہوں میں کئی مرحلے دشوار آئے
دیر آیا حرم آیا رسن و دار آئے
جلوہ گاہوں میں ابھی شمع یقیں جلنے دو
کیا عجب ہے جو کوئی طالب دیدار آئے
محفل ناز کے آداب ہیں سب پر لازم
کوئی دیوانہ یہاں آئے کہ ہشیار آئے
عشق میں وسعت کونین سے شائستہ گزر
کیا خبر ہے کہ کہاں جلوہ گہہ یار آئے
ساز ہستی میں وہ سوز ابدی پیدا کر
دل کے ٹوٹے ہوئے تاروں سے بھی جھنکار آئے
موج و ساحل مہ و انجم گل و لالہ دیکھے
جب کہیں تجھ کو نہ پایا تو سر دار آئے
لذت درد نہیں سب کے مقدر میں قمرؔ
جس کے حصہ میں بھی یہ دولت بیدار آئے