नज़र है जल्वा-ए-जानाँ है देखिए क्या हो
शिकस्त-ए-इश्क़ का इम्काँ है देखिए क्या हो
अभी बहार-ए-गुज़िश्ता का ग़म मिटा भी नहीं
फिर एहतिमाम-ए-बहाराँ है देखिए क्या हो
क़दम उठे भी नहीं बज़्म-ए-नाज़ की जानिब
ख़याल अभी से परेशाँ है देखिए क्या हो
किसी की राह में काँटे किसी की राह में फूल
हमारी राह में तूफ़ाँ है देखिए क्या हो
ख़िरद का ज़ोर है आराइश-ए-गुलिस्ताँ पर
जुनूँ हरीफ़-ए-बहाराँ है देखिए क्या हो
जिस एक शाख़ पे बुनियाद है नशेमन की
वो एक शाख़ भी लर्ज़ां है देखिए क्या हो
है आज बज़्म में फिर इज़्न-ए-आम साक़ी का
'क़मर' हुनूज़ मुसलमाँ है देखिए क्या हो
nazar hai jalva-e-jānāñ hai dekhiye kyā ho
shikast-e-ishq kā imkāñ hai dekhiye kyā ho
abhī bahār-e-guzishta kā ġham miTā bhī nahīñ
phir ehtimām-e-bahārāñ hai dekhiye kyā ho
qadam uThe bhī nahīñ bazm-e-nāz kī jānib
ḳhayāl abhī se pareshāñ hai dekhiye kyā ho
kisī kī raah meñ kāñTe kisī kī raah meñ phuul
hamārī raah meñ tūfāñ hai dekhiye kyā ho
ḳhirad kā zor hai ārā.ish-e-gulistāñ par
junūñ harīf-e-bahārāñ hai dekhiye kyā ho
jis ek shāḳh pe buniyād hai nasheman kī
vo ek shāḳh bhī larzāñ hai dekhiye kyā ho
hai aaj bazm meñ phir izn-e-ām saaqī kā
'qamar' hunūz musalmāñ hai dekhiye kyā ho
نظر ہے جلوۂ جاناں ہے دیکھیے کیا ہو
شکست عشق کا امکاں ہے دیکھیے کیا ہو
ابھی بہار گزشتہ کا غم مٹا بھی نہیں
پھر اہتمام بہاراں ہے دیکھیے کیا ہو
قدم اٹھے بھی نہیں بزم ناز کی جانب
خیال ابھی سے پریشاں ہے دیکھیے کیا ہو
کسی کی راہ میں کانٹے کسی کی راہ میں پھول
ہماری راہ میں طوفاں ہے دیکھیے کیا ہو
خرد کا زور ہے آرائش گلستاں پر
جنوں حریف بہاراں ہے دیکھیے کیا ہو
جس ایک شاخ پہ بنیاد ہے نشیمن کی
وہ ایک شاخ بھی لرزاں ہے دیکھیے کیا ہو
ہے آج بزم میں پھر اذن عام ساقی کا
قمرؔ ہنوز مسلماں ہے دیکھیے کیا ہو