तुम में जो बात है वो बात नहीं आई है
क्या ये तस्वीर किसी ग़ैर से खिंचवाई है
देखें कैसा तुम्हें दा'वा-ए-मसीहाई है
आज बीमार ने मरने की क़सम खाई है
बस ये रूदाद-ए-मोहब्बत यहीं रहने दीजे
आगे कहता हूँ तो सरकार की रुस्वाई है
कसरत-ए-रंज-ओ-अलम यास-ओ-तमन्ना का हुजूम
कितने हंगामों की मेहमाँ मिरी तन्हाई है
क्यों सुनाऊँ मैं तुझे वा'दा-ख़िलाफ़ी तेरी
क्यों कहलवाऊँ कि दीवाना है सौदाई है
ख़ूब सय्याद सता जौर कर ईज़ा पहुँचा
अब तो तक़दीर तिरे दाम में ले आई है
गोशा-ए-चशम से बाहर हुई सुरमे की लकीर
ख़ैर हो म्यान से तलवार निकल आई है
बे-कसी में भी मरीज़ उन का अकेला न रहे
वो उधर उठ के गए और क़ज़ा आई है
महफ़िल-ए-ग़ैर में ऐ अश्क न आँखों से निकल
तेरे पर्दे में किसी शोख़ की रुस्वाई है
क़तरा-ए-ख़ूँ मिरे इस सोख़्ता दिल में है कहाँ
कोई हसरत तिरे पैकाँ से लिपट आई है
ऐ 'क़मर' छुप के वो आएँ भी तो क्यूँकर आएँ
चाँदनी आज सर-ए-शाम निकल आई है
tum meñ jo baat hai vo baat nahīñ aa.ī hai
kyā ye tasvīr kisī ġhair se khiñchvā.ī hai
dekheñ kaisā tumheñ dā'vā-e-masīhā.ī hai
aaj bīmār ne marne kī qasam khaa.ī hai
bas ye rūdād-e-mohabbat yahīñ rahne diije
aage kahtā huuñ to sarkār kī rusvā.ī hai
kasrat-e-ranj-o-alam yās-o-tamanna kā hujūm
kitne hangāmoñ kī mehmāñ mirī tanhā.ī hai
kyoñ sunā.ūñ maiñ tujhe vā'da-ḳhilāfī terī
kyoñ kahalvā.ūñ ki dīvāna hai saudā.ī hai
ḳhuub sayyād satā jaur kar iizā pahuñchā
ab to taqdīr tire daam meñ le aa.ī hai
gosha-e-chashm se bāhar huī surme kī lakīr
ḳhair ho myaan se talvār nikal aa.ī hai
be-kasī meñ bhī marīz un kā akelā na rahe
vo udhar uTh ke ga.e aur qazā aa.ī hai
mahfil-e-ġhair meñ ai ashk na āñkhoñ se nikal
tere parde meñ kisī shoḳh kī rusvā.ī hai
qatra-e-ḳhūñ mire is soḳhta dil meñ hai kahāñ
koī hasrat tire paikāñ se lipaT aa.ī hai
ai 'qamar' chhup ke vo aa.eñ bhī to kyūñkar aa.eñ
chāñdnī aaj sar-e-shām nikal aa.ī hai
تم میں جو بات ہے وہ بات نہیں آئی ہے
کیا یہ تصویر کسی غیر سے کھنچوائی ہے
دیکھیں کیسا تمہیں دعوائے مسیحائی ہے
آج بیمار نے مرنے کی قسم کھائی ہے
بس یہ روداد محبت یہیں رہنے دیجے
آگے کہتا ہوں تو سرکار کی رسوائی ہے
کثرت رنج و الم یاس و تمنا کا ہجوم
کتنے ہنگاموں کی مہماں مری تنہائی ہے
کیوں سناؤں میں تجھے وعدہ خلافی تیری
کیوں کہلواؤں کہ دیوانہ ہے سودائی ہے
خوب صیاد ستا جور کر ایذا پہنچا
اب تو تقدیر ترے دام میں لے آئی ہے
گوشۂ چشم سے باہر ہوئی سرمے کی لکیر
خیر ہو میان سے تلوار نکل آئی ہے
بے کسی میں بھی مریض ان کا اکیلا نہ رہے
وہ ادھر اٹھ کے گئے اور قضا آئی ہے
محفل غیر میں اے اشک نہ آنکھوں سے نکل
تیرے پردے میں کسی شوخ کی رسوائی ہے
قطرۂ خوں مرے اس سوختہ دل میں ہے کہاں
کوئی حسرت ترے پیکاں سے لپٹ آئی ہے
اے قمرؔ چھپ کے وہ آئیں بھی تو کیوں کر آئیں
چاندنی آج سر شام نکل آئی ہے