तो फिर मैं क्या अगर अन्फ़ास के सब तार गुम उस में
मिरे होने न होने के सभी आसार गुम उस में
मिरी आँखों में इक मौसम हमेशा सब्ज़ रहता है
ख़ुदा जाने हैं ऐसे कौन से अश्जार गुम उस में
हज़ारों साल चल कर भी अभी ख़ुद तक नहीं पहुँची
ये दुनिया काश हो जाए कभी इक बार गुम उस में
वो जैसा अब्र भेजे जो हवा सर पर चलाए वो
मिरे दरिया मिरे सहरा मिरे कोहसार गुम उस में
नहीं मालूम आख़िर किस ने किस को थाम रक्खा है
वो मुझ में गुम है और मेरे दर ओ दीवार गुम उस में
'ज़फ़र' उस के थे हम तो कब तलक उस से अलग रहते
हुए हम एक दिन होना था आख़िर-कार गुम उस में
to phir maiñ kyā agar anfās ke sab taar gum us meñ
mire hone na hone ke sabhī āsār gum us meñ
mirī āñkhoñ meñ ik mausam hamesha sabz rahtā hai
ḳhudā jaane haiñ aise kaun se ashjār gum us meñ
hazāroñ saal chal kar bhī abhī ḳhud tak nahīñ pahuñchī
ye duniyā kaash ho jaa.e kabhī ik baar gum us meñ
vo jaisā abr bheje jo havā sar par chalā.e vo
mire dariyā mire sahrā mire kohsār gum us meñ
nahīñ mālūm āḳhir kis ne kis ko thaam rakkhā hai
vo mujh meñ gum hai aur mere dar o dīvār gum us meñ
'zafar' us ke the ham to kab talak us se alag rahte
hue ham ek din honā thā āḳhir-kār gum us meñ
تو پھر میں کیا اگر انفاس کے سب تار گم اس میں
مرے ہونے نہ ہونے کے سبھی آثار گم اس میں
مری آنکھوں میں اک موسم ہمیشہ سبز رہتا ہے
خدا جانے ہیں ایسے کون سے اشجار گم اس میں
ہزاروں سال چل کر بھی ابھی خود تک نہیں پہنچی
یہ دنیا کاش ہو جائے کبھی اک بار گم اس میں
وہ جیسا ابر بھیجے جو ہوا سر پر چلائے وہ
مرے دریا مرے صحرا مرے کہسار گم اس میں
نہیں معلوم آخر کس نے کس کو تھام رکھا ہے
وہ مجھ میں گم ہے اور میرے در و دیوار گم اس میں
ظفرؔ اس کے تھے ہم تو کب تلک اس سے الگ رہتے
ہوئے ہم ایک دن ہونا تھا آخر کار گم اس میں