बीच मंजधार दिया बढ़ के सहारा किस ने
हम तो तन्हा थे हमें पार उतारा किस ने
ज़िंदगी तुझ को शब-ओ-रोज़ के दोज़ख़ में तिरे
जिस तरह हम ने गुज़ारा है गुज़ारा किस ने
हाल अब ये कि अंधेरा मिरे ख़ूँ का प्यासा
रख दिया है मिरी मुट्ठी में सितारा किस ने
सर-बुरीदा कोई बच्चा मिरे अंदर हर रोज़
पूछता रहता है मुझ से मुझे मारा किस ने
पाँव लग जाएँ तसव्वुर को तो हम चल निकलें
हम को ख़्वाबों की गुज़रगह से पुकारा किस ने
इश्क़ नुक़सान का सौदा था 'ज़फ़र' मेरे बा'द
जाने बर्दाश्त किया मेरा ख़सारा किस ने
beach mañjdhār diyā baḌh ke sahārā kis ne
ham to tanhā the hameñ paar utārā kis ne
zindagī tujh ko shab-o-roz ke dozaḳh meñ tire
jis tarah ham ne guzārā hai guzārā kis ne
haal ab ye ki añdherā mire ḳhuuñ kā pyāsā
rakh diyā hai mirī muTThī meñ sitāra kis ne
sar-burīda koī bachcha mire andar har roz
pūchhtā rahtā hai mujh se mujhe maarā kis ne
paañv lag jaa.eñ tasavvur ko to ham chal nikleñ
ham ko ḳhvāboñ kī guzargah se pukārā kis ne
ishq nuqsān kā saudā thā 'zafar' mere ba.ad
jaane bardāsht kiyā merā ḳhasāra kis ne
بیچ منجدھار دیا بڑھ کے سہارا کس نے
ہم تو تنہا تھے ہمیں پار اتارا کس نے
زندگی تجھ کو شب و روز کے دوزخ میں ترے
جس طرح ہم نے گزارا ہے گزارا کس نے
حال اب یہ کہ اندھیرا مرے خوں کا پیاسا
رکھ دیا ہے مری مٹھی میں ستارہ کس نے
سر بریدہ کوئی بچہ مرے اندر ہر روز
پوچھتا رہتا ہے مجھ سے مجھے مارا کس نے
پاؤں لگ جائیں تصور کو تو ہم چل نکلیں
ہم کو خوابوں کی گزر گہہ سے پکارا کس نے
عشق نقصان کا سودا تھا ظفرؔ میرے بعد
جانے برداشت کیا میرا خسارہ کس نے