देखें क़रीब से भी तो अच्छा दिखाई दे
इक आदमी तो शहर में ऐसा दिखाई दे
अब भीक माँगने के तरीक़े बदल गए
लाज़िम नहीं कि हाथ में कासा दिखाई दे
नेज़े पे रख के और मिरा सर बुलंद कर
दुनिया को इक चराग़ तो जलता दिखाई दे
दिल में तिरे ख़याल की बनती है इक धनक
सूरज सा आइने से गुज़रता दिखाई दे
चल ज़िंदगी की जोत जगाए 'अजब नहीं
लाशों के दरमियाँ कोई रस्ता दिखाई दे
क्या कम है कि वजूद के सन्नाटे में 'ज़फ़र'
इक दर्द की सदा है कि ज़िंदा दिखाई दे
dekheñ qarīb se bhī to achchhā dikhā.ī de
ik aadmī to shahr meñ aisā dikhā.ī de
ab bhiik māñgne ke tarīqe badal ga.e
lāzim nahīñ ki haath meñ kaasa dikhā.ī de
neze pe rakh ke aur mirā sar buland kar
duniyā ko ik charāġh to jaltā dikhā.ī de
dil meñ tire ḳhayāl kī bantī hai ik dhanak
sūraj sā aa.ine se guzartā dikhā.ī de
chal zindagī kī jot jagā.e 'ajab nahīñ
lāshoñ ke darmiyāñ koī rasta dikhā.ī de
kyā kam hai ki vajūd ke sannāTe meñ 'zafar'
ik dard kī sadā hai ki zinda dikhā.ī de
دیکھیں قریب سے بھی تو اچھا دکھائی دے
اک آدمی تو شہر میں ایسا دکھائی دے
اب بھیک مانگنے کے طریقے بدل گئے
لازم نہیں کہ ہاتھ میں کاسہ دکھائی دے
نیزے پہ رکھ کے اور مرا سر بلند کر
دنیا کو اک چراغ تو جلتا دکھائی دے
دل میں ترے خیال کی بنتی ہے اک دھنک
سورج سا آئنے سے گزرتا دکھائی دے
چل زندگی کی جوت جگائے عجب نہیں
لاشوں کے درمیاں کوئی رستہ دکھائی دے
کیا کم ہے کہ وجود کے سناٹے میں ظفرؔ
اک درد کی صدا ہے کہ زندہ دکھائی دے