तिरे निसार न देखी कोई ख़ुशी मैं ने
कि अब तो मौत को समझा है ज़िंदगी मैं ने
ये दिल में सोच के तौबा भी तोड़ दी मैं ने
न जाने क्या कहे साक़ी अगर न पी मैं ने
कोई बला मिरे सर पर ज़रूर आएगी
कि तेरी ज़ुल्फ़-ए-परेशाँ सँवार दी मैं ने
सहर हुई शब-ए-वा'दा का इज़्तिराब गया
सितारे छुप गए गुल कर दी रौशनी मैं ने
सिवाए दिल मुझे दैर-ओ-हरम से क्या मतलब
जगह हुज़ूर के मिलने की ढूँड ली मैं ने
जहाँ चला दिया साग़र का दौर ऐ वाइ'ज़
वहीं पे गर्दिश-ए-अय्याम रोक दी मैं ने
बलाएँ लेने पे आप इतने हो गए बरहम
हुज़ूर कौन सी जागीर छीन ली मैं ने
दुआएँ दो मुझे दर दर जुनूँ में फिर फिर कर
तुम्हारी शोहरतें कर दीं गली मैं ने
जवाब उस का तो शायद फ़लक भी दे न सके
वो बंदगी जो तिरी रहगुज़र में की मैं ने
वो जाने कैसे पता दे गए थे गुलशन का
न छोड़ा फूल न छोड़ी कली कली मैं ने
'क़मर' वो नींद में थे उन को क्या ख़बर होगी
कि उन पे शब को लुटाई है चाँदनी मैं ने
tire nisār na dekhī koī ḳhushī maiñ ne
ki ab to maut ko samjhā hai zindagī maiñ ne
ye dil meñ soch ke tauba bhī toḌ dī maiñ ne
na jaane kyā kahe saaqī agar na pī maiñ ne
koī balā mire sar par zarūr aa.egī
ki terī zulf-e-pareshāñ sañvār dī maiñ ne
sahar huī shab-e-va.ada kā iztirāb gayā
sitāre chhup ga.e gul kar dī raushnī maiñ ne
sivā.e dil mujhe dair-o-haram se kyā matlab
jagah huzūr ke milne kī DhūñD lī maiñ ne
jahāñ chalā diyā sāġhar kā daur ai vaa.iz
vahīñ pe gardish-e-ayyām rok dī maiñ ne
balā.eñ lene pe aap itne ho ga.e barham
huzūr kaun sī jāgīr chhīn lī maiñ ne
duā.eñ do mujhe dar dar junūñ meñ phir phir kar
tumhārī shohrateñ kar diiñ galī maiñ ne
javāb us kā to shāyad falak bhī de na sake
vo bandagī jo tirī rahguzar meñ kī maiñ ne
vo jaane kaise pata de ga.e the gulshan kā
na chhoḌā phuul na chhoḌī kalī kalī maiñ ne
'qamar' vo niiñd meñ the un ko kyā ḳhabar hogī
ki un pe shab ko luTā.ī hai chāñdnī maiñ ne
ترے نثار نہ دیکھی کوئی خوشی میں نے
کہ اب تو موت کو سمجھا ہے زندگی میں نے
یہ دل میں سوچ کے توبہ بھی توڑ دی میں نے
نہ جانے کیا کہے ساقی اگر نہ پی میں نے
کوئی بلا مرے سر پر ضرور آئے گی
کہ تیری زلف پریشاں سنوار دی میں نے
سحر ہوئی شب وعدہ کا اضطراب گیا
ستارے چھپ گئے گل کر دی روشنی میں نے
سوائے دل مجھے دیر و حرم سے کیا مطلب
جگہ حضور کے ملنے کی ڈھونڈ لی میں نے
جہاں چلا دیا ساغر کا دور اے واعظ
وہیں پہ گردش ایام روک دی میں نے
بلائیں لینے پہ آپ اتنے ہو گئے برہم
حضور کون سی جاگیر چھین لی میں نے
دعائیں دو مجھے در در جنوں میں پھر پھر کر
تمہاری شہرتیں کر دیں گلی میں نے
جواب اس کا تو شاید فلک بھی دے نہ سکے
وہ بندگی جو تری رہ گزر میں کی میں نے
وہ جانے کیسے پتہ دے گئے تھے گلشن کا
نہ چھوڑا پھول نہ چھوڑی کلی کلی میں نے
قمرؔ وہ نیند میں تھے ان کو کیا خبر ہوگی
کہ ان پہ شب کو لٹائی ہے چاندنی میں نے