तिरा यक़ीन हूँ मैं कब से इस गुमान में था
मैं ज़िंदगी के बड़े सख़्त इम्तिहान में था
पटक के तोड़ दिया जिस पे तेशा-ए-जाँ को
मैं जू-ए-शीर सा पिंहाँ उसी चटान में था
शजर शजर मिरी आमद का मुंतज़िर मौसम
मैं बर्ग-ए-गुल सा हवाओं की किस उड़ान में था
अंधेरी रात में सम्त-ए-सदा पे छोड़ दिया
हवस का तीर जो इस जिस्म की कमान में था
उठा सका न मैं दस्त-ए-तही से पत्थर भी
मता-ए-ग़ैर सा वो काँच की दुकान में था
ये दौर-ए-संग-नज़र इस को पढ़ नहीं पाया
सहीफ़ा दिल का मिरा जाने किस ज़बान में था
tirā yaqīn huuñ maiñ kab se is gumān meñ thā
maiñ zindagī ke baḌe saḳht imtihān meñ thā
paTak ke toḌ diyā jis pe tesha-e-jāñ ko
maiñ jū-e-shīr sā pinhāñ usī chaTān meñ thā
shajar shajar mirī aamad kā muntazir mausam
maiñ barg-e-gul sā havāoñ kī kis uḌaan meñ thā
andherī raat meñ samt-e-sadā pe chhoḌ diyā
havas kā tiir jo is jism kī kamān meñ thā
uThā sakā na maiñ dast-e-tahī se patthar bhī
matā-e-ġhair sā vo kāñch kī dukān meñ thā
ye daur-e-sang-nazar is ko paḌh nahīñ paayā
sahīfa dil kā mirā jaane kis zabān meñ thā
ترا یقین ہوں میں کب سے اس گمان میں تھا
میں زندگی کے بڑے سخت امتحان میں تھا
پٹک کے توڑ دیا جس پہ تیشۂ جاں کو
میں جوئے شیر سا پنہاں اسی چٹان میں تھا
شجر شجر مری آمد کا منتظر موسم
میں برگ گل سا ہواؤں کی کس اڑان میں تھا
اندھیری رات میں سمت صدا پہ چھوڑ دیا
ہوس کا تیر جو اس جسم کی کمان میں تھا
اٹھا سکا نہ میں دست تہی سے پتھر بھی
متاع غیر سا وہ کانچ کی دکان میں تھا
یہ دور سنگ نظر اس کو پڑھ نہیں پایا
صحیفہ دل کا مرا جانے کس زبان میں تھا