दिल में रख ज़ख़्म-ए-नवा राह में काम आएगा
दश्त-ए-बे-सम्त में इक हू का मक़ाम आएगा
इस तरह पढ़ता हूँ बहते हुए दरिया की किताब
सफ़हा-ए-आब पर इक अक्स-ए-पयाम आएगा
क़र्या-ए-जाँ में थे यादों के शनासा चेहरे
अजनबी शहर में किस किस का सलाम आएगा
मस्लहत-केश तो गुल-हा-ए-सताइश से लदे
सच के हाथों में वही ज़हर का जाम आएगा
रक़्स-ए-रफ़्तार से क्या रौंद चला फूलों को
आग पर चल कि तुझे लुत्फ़-ए-ख़िराम आएगा
ख़ंजर-ए-ज़हर-ए-वफ़ा दिल में छुपाए कब से
मुंतज़िर हूँ कि इधर वो सर-ए-शाम आएगा
दीदा-ए-दिल से 'ज़फ़र' ख़्वाब भी छिन जाएँगे
वक़्त कहता है कि अब ऐसा निज़ाम आएगा
dil meñ rakh zaḳhm-e-navā raah meñ kaam aa.egā
dasht-e-be-samt meñ ik hū kā maqām aa.egā
is tarah paḌhtā huuñ bahte hue dariyā kī kitāb
saf.ha-e-āb par ik aks-e-payām aa.egā
qarya-e-jāñ meñ the yādoñ ke shanāsā chehre
ajnabī shahr meñ kis kis kā salām aa.egā
maslahat-kesh to gul-hā-e-satā.ish se lade
sach ke hāthoñ meñ vahī zahr kā jaam aa.egā
raqs-e-raftār se kyā rauñd chalā phūloñ ko
aag par chal ki tujhe lutf-e-ḳhirām aa.egā
ḳhanjar-e-zahr-e-vafā dil meñ chhupā.e kab se
muntazir huuñ ki idhar vo sar-e-shām aa.egā
dīda-e-dil se 'zafar' ḳhvāb bhī chhin jā.eñge
vaqt kahtā hai ki ab aisā nizām aa.egā
دل میں رکھ زخم نوا راہ میں کام آئے گا
دشت بے سمت میں اک ہو کا مقام آئے گا
اس طرح پڑھتا ہوں بہتے ہوئے دریا کی کتاب
صفحۂ آب پر اک عکس پیام آئے گا
قریۂ جاں میں تھے یادوں کے شناسا چہرے
اجنبی شہر میں کس کس کا سلام آئے گا
مصلحت کیش تو گلہائے ستائش سے لدے
سچ کے ہاتھوں میں وہی زہر کا جام آئے گا
رقص رفتار سے کیا روند چلا پھولوں کو
آگ پر چل کہ تجھے لطف خرام آئے گا
خنجر زہر وفا دل میں چھپائے کب سے
منتظر ہوں کہ ادھر وہ سر شام آئے گا
دیدۂ دل سے ظفرؔ خواب بھی چھن جائیں گے
وقت کہتا ہے کہ اب ایسا نظام آئے گا