हुमकती कोंपलों को ख़ुश्क घास कर देगी
हवा दरख़्तों को फिर बे-लिबास कर देगी
शगुफ़्ता फूल हैं महफ़ूज़ रक्खो मौसम से
ये सख़्त धूप तो फूलों का नास कर देगी
सुलगते चाँद सा मैं तेरे साथ साथ रहा
सफ़र की शाम तुझे भी उदास कर देगी
इसी सबब तो मैं दश्त-ए-बला में चुप चुप था
ये आप-बीती तुम्हें बद-हवास कर देगी
नज़र में उड़ती रही यूँ ही गर्द-ए-गुमराही
तो जिस्म-ओ-जाँ को बहम ना-शनास कर देगी
उतर ही आऊँगा इक दिन ख़ला के मस्कन से
हवा को क़ैद ये मिट्टी की बास कर देगी
humaktī koñpaloñ ko ḳhushk ghaas kar degī
havā daraḳhtoñ ko phir be-libās kar degī
shagufta phuul haiñ mahfūz rakkho mausam se
ye saḳht dhuup to phūloñ kā naas kar degī
sulagte chāñd sā maiñ tere saath saath rahā
safar kī shaam tujhe bhī udaas kar degī
isī sabab to maiñ dasht-e-balā meñ chup chup thā
ye āp-bītī tumheñ bad-havās kar degī
nazar meñ uḌtī rahī yuuñ hī gard-e-gumrāhī
to jism-o-jāñ ko baham nā-shanās kar degī
utar hī ā.ūñgā ik din ḳhalā ke maskan se
havā ko qaid ye miTTī kī baas kar degī
ہمکتی کونپلوں کو خشک گھاس کر دے گی
ہوا درختوں کو پھر بے لباس کر دے گی
شگفتہ پھول ہیں محفوظ رکھو موسم سے
یہ سخت دھوپ تو پھولوں کا ناس کر دے گی
سلگتے چاند سا میں تیرے ساتھ ساتھ رہا
سفر کی شام تجھے بھی اداس کر دے گی
اسی سبب تو میں دشت بلا میں چپ چپ تھا
یہ آپ بیتی تمہیں بد حواس کر دے گی
نظر میں اڑتی رہی یوں ہی گرد گمراہی
تو جسم و جاں کو بہم نا شناس کر دے گی
اتر ہی آؤں گا اک دن خلا کے مسکن سے
ہوا کو قید یہ مٹی کی باس کر دے گی