जारी है कब से मा'रका ये जिस्म-ओ-जाँ में सर्द सा
छुप छुप के कोई मुझ में है मुझ से ही हम-नबर्द सा
जाते कहाँ कि ज़ेर-ए-पा था एक बहर-ए-ख़ूँ-किनार
उड़ते तो बार-ए-सर बना इक दश्त-ए-लाज-वर्द सा
किस चाँदनी की आँख से बिखरी शफ़क़ की रेत में
मोती सा ढल के गिर पड़ा शाम के दिल का दर्द सा
नाज़ुक लबों की पंखुड़ियाँ थरथरा थरथरा गईं
तेज़-रौ बाद-ए-दर्द थी चेहरा था गर्द गर्द सा
मेहंदी रची बहार का आँगन ख़ुशी से भर गया
मेहमाँ है घर में आज वो चाँद सुनहरा ज़र्द सा
देखा तो अहल-ए-शहर सब उस को ही लेने आए थे
इक अजनबी जो साथ था राह में कम-नवर्द सा
किस दस्त-ए-नाज़ में 'ज़फ़र' आईना-ए-वजूद था
बिखरा हूँ काएनात में हर सम्त फ़र्द फ़र्द सा
jaarī hai kab se ma.arka ye jism-o-jāñ meñ sard sā
chhup chhup ke koī mujh meñ hai mujh se hī ham-nabard sā
jaate kahāñ ki zer-e-pā thā ek bahr-e-ḳhūñ-kinār
uḌte to bār-e-sar banā ik dasht-e-lāj-vard sā
kis chāñdnī kī aañkh se bikhrī shafaq kī ret meñ
motī sā Dhal ke gir paḌā shaam ke dil kā dard sā
nāzuk laboñ kī pañkhuḌiyāñ thartharā thartharā ga.iiñ
tez-rau bād-e-dard thī chehra thā gard gard sā
mehñdī rachī bahār kā āñgan ḳhushī se bhar gayā
mehmāñ hai ghar meñ aaj vo chāñd sunahrā zard sā
dekhā to ahl-e-shahr sab us ko hī lene aa.e the
ik ajnabī jo saath thā raah meñ kam-navard sā
kis dast-e-nāz meñ 'zafar' ā.īna-e-vajūd thā
bikhrā huuñ kā.enāt meñ har samt fard fard sā
جاری ہے کب سے معرکہ یہ جسم و جاں میں سرد سا
چھپ چھپ کے کوئی مجھ میں ہے مجھ سے ہی ہم نبرد سا
جاتے کہاں کہ زیر پا تھا ایک بحر خوں کنار
اڑتے تو بار سر بنا اک دشت لاجورد سا
کس چاندنی کی آنکھ سے بکھری شفق کی ریت میں
موتی سا ڈھل کے گر پڑا شام کے دل کا درد سا
نازک لبوں کی پنکھڑیاں تھرتھرا تھرتھرا گئیں
تیز رو باد درد تھی چہرہ تھا گرد گرد سا
مہندی رچی بہار کا آنگن خوشی سے بھر گیا
مہماں ہے گھر میں آج وہ چاند سنہرا زرد سا
دیکھا تو اہل شہر سب اس کو ہی لینے آئے تھے
اک اجنبی جو ساتھ تھا راہ میں کم نورد سا
کس دست ناز میں ظفرؔ آئینۂ وجود تھا
بکھرا ہوں کائنات میں ہر سمت فرد فرد سا