तिरा जमाल तिरा हुस्न कामगार रहे
वो क्या करे न जिसे दिल पे इख़्तियार रहे
हज़ार कसरत-ए-रा'ना ने चिलमनें डालीं
ब-हर-हिजाब-ए-तअ'य्युन वो आश्कार रहे
मिरी नज़र का तो क्या ज़िक्र ख़ुद बहार के फूल
फ़रेब-ख़ुर्दा-ए-रंगीनी-ए-बहार रहे
किसी मक़ाम पे दिल को सुकूँ हो क्या मा'नी
जो बेक़रार-ए-अज़ल है वो बे-क़रार रहे
उसी नवाह में अहल-ए-नज़र भी मुमकिन हैं
कुछ और देर सर-ए-तूर इंतिज़ार रहे
तमाम फूल थे और ज़र्फ़-ए-दामन-ए-गुलचीं
जो बच गए वो चराग़-ए-शब-बहार रहे
मिरी निगाह में है वो हरीम-ए-ज़ेबाई
कनीज़ बन के जहाँ मरियम-ए-बहार रहे
ख़िज़ाँ ख़िज़ाँ हो तो दौर-ए-बहार क्या मा'नी
बहार हो तो ख़िज़ाँ क्यूँ बने बहार रहे
जहान-ए-हुस्न के असरार पा नहीं सकता
जो इश्क़ अपनी हदों तक ही बे-क़रार रहे
मिरी नज़र से वो जल्वे न रह सके मस्तूर
जो ज़ेर-ए-पर्दा-ए-पैराहन-ए-बहार रहे
छुड़ा चुका हूँ मैं दस्त-ए-मजाज़ से दामन
हक़ीक़त अपने हिजाबों से होशियार रहे
मैं मोड़ता हूँ इसी रुख़ से कारवाँ अपना
कुछ और देर उफ़ुक़ पर अभी ग़ुबार रहे
जुनून-ए-शौक़ में तहक़ीक़-ए-रंग-ओ-बू कैसी
रहे चमन में तो दीवाना-ए-बहार रहे
हैं इस तरह के ज़वाबित भी बे-क़रारी में
कि तेरे साथ ज़माना भी बे-क़रार रहे
वो सिर्फ़ मेरे हैं 'एहसान' मैं फ़क़त उन का
है नागवार किसी को तो नागवार रहे
tirā jamāl tirā husn kāmgār rahe
vo kyā kare na jise dil pe iḳhtiyār rahe
hazār kasrat-e-rā.anā ne chilmaneñ Dālīñ
ba-har-hijāb-e-ta.ayyun vo āshkār rahe
mirī nazar kā to kyā zikr ḳhud bahār ke phuul
fareb-ḳhurda-e-rañgīnī-e-bahār rahe
kisī maqām pe dil ko sukūñ ho kyā ma.anī
jo be-qarār-e-azal hai vo be-qarār rahe
usī navāh meñ ahl-e-nazar bhī mumkin haiñ
kuchh aur der sar-e-tūr intizār rahe
tamām phuul the aur zarf-e-dāman-e-gulchīñ
jo bach ga.e vo charāġh-e-shab-bahār rahe
mirī nigāh meñ hai vo harīm-e-zebā.ī
kanīz ban ke jahāñ mariyam-e-bahār rahe
ḳhizāñ ḳhizāñ ho to daur-e-bahār kyā ma.anī
bahār ho to ḳhizāñ kyuuñ bane bahār rahe
jahān-e-husn ke asrār pā nahīñ saktā
jo ishq apnī hadoñ tak hī be-qarār rahe
mirī nazar se vo jalve na rah sake mastūr
jo zer-e-parda-e-pairāhan-e-bahār rahe
chhuḌā chukā huuñ maiñ dast-e-majāz se dāman
haqīqat apne hijāboñ se hoshiyār rahe
maiñ moḌtā huuñ isī ruḳh se kārvāñ apnā
kuchh aur der ufuq par abhī ġhubār rahe
junūn-e-shauq meñ tahqīq-e-rañg-o-bū kaisī
rahe chaman meñ to dīvāna-e-bahār rahe
haiñ is tarah ke zavābit bhī be-qarārī meñ
ki tere saath zamāna bhī be-qarār rahe
vo sirf mere haiñ 'ehsān' maiñ faqat un kā
hai nāgavār kisī ko to nāgavār rahe
ترا جمال ترا حسن کامگار رہے
وہ کیا کرے نہ جسے دل پہ اختیار رہے
ہزار کثرت رعنا نے چلمنیں ڈالیں
بہر حجاب تعین وہ آشکار رہے
مری نظر کا تو کیا ذکر خود بہار کے پھول
فریب خوردۂ رنگینیٔ بہار رہے
کسی مقام پہ دل کو سکوں ہو کیا معنی
جو بے قرار ازل ہے وہ بے قرار رہے
اسی نواح میں اہل نظر بھی ممکن ہیں
کچھ اور دیر سر طور انتظار رہے
تمام پھول تھے اور ظرف دامن گلچیں
جو بچ گئے وہ چراغ شب بہار رہے
مری نگاہ میں ہے وہ حریم زیبائی
کنیز بن کے جہاں مریم بہار رہے
خزاں خزاں ہو تو دور بہار کیا معنی
بہار ہو تو خزاں کیوں بنے بہار رہے
جہان حسن کے اسرار پا نہیں سکتا
جو عشق اپنی حدوں تک ہی بے قرار رہے
مری نظر سے وہ جلوے نہ رہ سکے مستور
جو زیر پردۂ پیراہن بہار رہے
چھڑا چکا ہوں میں دست مجاز سے دامن
حقیقت اپنے حجابوں سے ہوشیار رہے
میں موڑتا ہوں اسی رخ سے کارواں اپنا
کچھ اور دیر افق پر ابھی غبار رہے
جنون شوق میں تحقیق رنگ و بو کیسی
رہے چمن میں تو دیوانۂ بہار رہے
ہیں اس طرح کے ضوابط بھی بے قراری میں
کہ تیرے ساتھ زمانہ بھی بے قرار رہے
وہ صرف میرے ہیں احسانؔ میں فقط ان کا
ہے ناگوار کسی کو تو ناگوار رہے