तिरा जल्वा जो दम-ब-दम देखते हैं
ज़ियादा के धोके में कम देखते हैं
कब आग और पानी बहम देखते हैं
'अरक़ रुख़ पे जब तेरे हम देखते हैं
उन्हें ग़ैर के घर में हम देखते हैं
जहन्नुम में हूर-ए-इरम देखते हैं
तिरे रुख़ पे जब ज़ुल्फ़ हम देखते हैं
कि पस रात को दिन में ज़म देखते हैं
'अबस राह क़ासिद की हम देखते हैं
फिरे कब जो मुल्क-ए-'अदम देखते हैं
कहीं ख़ुल्द से वाँ मुकर ही न जाएँ
जो याँ तेरा नक़्श-ए-क़दम देखते हैं
बढ़ाते हो वा'इज़ यूँ महशर में गोया
वो करमों के बदले शिकम देखते हैं
'अदू भी किसी का न हो अल्लह हमनाम
बुलाते हैं उस को तो हम देखते हैं
वो भूले से मस्जिद में क्या आए इक बार
कि रह रोज़ शैख़-ए-हरम देखते हैं
तिरा तीर-ए-मिज़्गाँ कि है मो'जिज़ा-साज़
कमाँ में है और दिल में ज़म देखते हैं
कभी शाह-रग से निकल आँख में आ
कभी देख वो भी जो हम देखते हैं
बुलाते हैं हम बेवफ़ा जो किसी को
हुज़ूर आप क्यों एक दम देखते हैं
लहद पर मिरी आए हैं ग़ैर के साथ
करम भी ब-रंग-ए-सितम देखते हैं
जहन्नुम में क्या देखने को रहा अब
यहीं अहल-ए-दैर-ओ-हरम देखते हैं
जो देते हैं जाँ के 'एवज़ बोसा तो लो
जो अच्छी हो शय तो दिरम देखते हैं
नज़र-बाज़ों की क्या ख़ता है 'उमैर' अब
उन्हें अंधे भी दम-ब-दम देखते हैं
tirā jalva jo dam-ba-dam dekhte haiñ
ziyāda ke dhoke meñ kam dekhte haiñ
kab aag aur paanī baham dekhte haiñ
'araq ruḳh pe jab tere ham dekhte haiñ
unheñ ġhair ke ghar meñ ham dekhte haiñ
jahannum meñ hūr-e-iram dekhte haiñ
tire ruḳh pe jab zulf ham dekhte haiñ
ki pas raat ko din meñ zam dekhte haiñ
'abas raah qāsid kī ham dekhte haiñ
phire kab jo mulk-e-'adam dekhte haiñ
kahīñ ḳhuld se vaañ mukar hī na jaa.eñ
jo yaañ terā naqsh-e-qadam dekhte haiñ
baḌhāte ho vā'iz yuuñ mahshar meñ goyā
vo karmoñ ke badle shikam dekhte haiñ
'adū bhī kisī kā na ho allah hamnām
bulāte haiñ us ko to ham dekhte haiñ
vo bhūle se masjid meñ kyā aa.e ik baar
ki rah roz shaiḳh-e-haram dekhte haiñ
tirā tīr-e-mizhgāñ ki hai mo'jiza-sāz
kamāñ meñ hai aur dil meñ zam dekhte haiñ
kabhī shāh-rag se nikal aañkh meñ aa
kabhī dekh vo bhī jo ham dekhte haiñ
bulāte haiñ ham bevafā jo kisī ko
huzūr aap kyoñ ek dam dekhte haiñ
lahad par mirī aa.e haiñ ġhair ke saath
karam bhī ba-rang-e-sitam dekhte haiñ
jahannum meñ kyā dekhne ko rahā ab
yahīñ ahl-e-dair-o-haram dekhte haiñ
jo dete haiñ jaañ ke 'evaz bosa to lo
jo achchhī ho shai to diram dekhte haiñ
nazar-bāzoñ kī kyā ḳhatā hai 'umair' ab
unheñ andhe bhī dam-ba-dam dekhte haiñ
ترا جلوہ جو دم بہ دم دیکھتے ہیں
زیادہ کے دھوکے میں کم دیکھتے ہیں
کب آگ اور پانی بہم دیکھتے ہیں
عرق رخ پہ جب تیرے ہم دیکھتے ہیں
انہیں غیر کے گھر میں ہم دیکھتے ہیں
جہنم میں حور ارم دیکھتے ہیں
ترے رخ پہ جب زلف ہم دیکھتے ہیں
کہ پس رات کو دن میں ضم دیکھتے ہیں
عبث راہ قاصد کی ہم دیکھتے ہیں
پھرے کب جو ملک عدم دیکھتے ہیں
کہیں خلد سے واں مکر ہی نہ جائیں
جو یاں تیرا نقش قدم دیکھتے ہیں
بڑھاتے ہو واعظ یوں محشر میں گویا
وہ کرموں کے بدلے شکم دیکھتے ہیں
عدو بھی کسی کا نہ ہو اللہ ہم نام
بلاتے ہیں اس کو تو ہم دیکھتے ہیں
وہ بھولے سے مسجد میں کیا آئے اک بار
کہ رہ روز شیخ حرم دیکھتے ہیں
ترا تیر مژگاں کہ ہے معجزہ ساز
کماں میں ہے اور دل میں ضم دیکھتے ہیں
کبھی شاہ رگ سے نکل آنکھ میں آ
کبھی دیکھ وہ بھی جو ہم دیکھتے ہیں
بلاتے ہیں ہم بے وفا جو کسی کو
حضور آپ کیوں ایک دم دیکھتے ہیں
لحد پر مری آئے ہیں غیر کے ساتھ
کرم بھی برنگ ستم دیکھتے ہیں
جہنم میں کیا دیکھنے کو رہا اب
یہیں اہل دیر و حرم دیکھتے ہیں
جو دیتے ہیں جاں کے عوض بوسہ تو لو
جو اچھی ہو شے تو درم دیکھتے ہیں
نظر بازوں کی کیا خطا ہے عمیرؔ اب
انہیں اندھے بھی دم بہ دم دیکھتے ہیں