आदम की मिस्ल सीने से निकला है हाए दिल
किस ने कहा था सेब-ए-ज़क़न उस का खाए दिल
इस बुत पे आए दिल कभी उस बुत पे आए दिल
अच्छी नहीं 'उमैर' सँभालो अदा-ए-दिल
आब-ए-लब और सेब-ए-ज़क़न हैं ग़िज़ा-ए-दिल
मर जाए गर न कुछ शब-ए-फ़ुर्क़त में खाए दिल
चख ले कभी जो ज़ाइक़ा-ए-दर्द-हा-ए-दिल
तो अपने वास्ते भी ख़ुदा इक बनाए दिल
जो खो गए न होगी अदा फिर बहा-ए-दिल
फिरते हैं ले के आप अरे क्यों पराए दिल
जुज़ तेरे मेरी जाँ किसे दुखड़े सुनाए दिल
मुश्किल-कुशा-ए-जाँ तू तू हाजत-रवा-ए-दिल
किस को जिगर है उस से कहे माजरा-ए-दिल
वो पी न जाए ख़ून अरे खा न जाए दिल
क्या मौत है ख़ुशी हुआ धक धक का शोर बंद
क्यों चुप है मेरे मरने पे मातम-सरा-ए-दिल
उठने पे जाने कैसी क़यामत वो ढाएगा
जो शोख़ ले उड़ा मिरा बैठे-बिठाए दिल
अच्छी है छेड़-छाड़ कि ये हैं इसी लिए
दिल है बराए-हुस्न हसीं हैं बरा-ए-दिल
घबरा के उठ खड़े वो तो महशर हुआ बपा
देती है बाँग-ए-सूर का काम इक सदा-ए-दिल
कहते हैं देख देख के आईने आप से
ऐसा हसीं हो कोई तो सौ बार आए दिल
धोका भी ग़म भी मेरी जवानी भी खा गया
ख़ंजर खुला जो अब न मिटे इश्तिहा-ए-दिल
मेरी कमर में ख़म कोई बेजा नहीं 'उमैर'
झुक जाए पुश्त बार-ए-अलम गर उठाए दिल
aadam kī misl siine se niklā hai haa.e dil
kis ne kahā thā seb-e-zaqan us kā khaa.e dil
is but pe aa.e dil kabhī us but pe aa.e dil
achchhī nahīñ 'umair' sañbhālo adā-e-dil
āb-e-lab aur seb-e-zaqan haiñ ġhizā-e-dil
mar jaa.e gar na kuchh shab-e-furqat meñ khaa.e dil
chakh le kabhī jo zā.iqa-e-dard-hā-e-dil
to apne vāste bhī ḳhudā ik banā.e dil
jo kho ga.e na hogī adā phir bahā-e-dil
phirte haiñ le ke aap are kyoñ parā.e dil
juz tere merī jaañ kise dukhḌe sunā.e dil
mushkil-kushā-e-jāñ tū tū hājat-ravā-e-dil
kis ko jigar hai us se kahe mājrā-e-dil
vo pī na jaa.e ḳhuun are khā na jaa.e dil
kyā maut hai ḳhushī huā dhak dhak kā shor band
kyoñ chup hai mere marne pe mātam-sarā-e-dil
uThne pe jaane kaisī qayāmat vo Dhā.egā
jo shoḳh le uḌā mirā baiThe-biThā.e dil
achchhī hai chheḌ-chhāḌ ki ye haiñ isī liye
dil hai barā.e-husn hasīñ haiñ barā-e-dil
ghabrā ke uTh khaḌe vo to mahshar huā bapā
detī hai bāñg-e-sūr kā kaam ik sadā-e-dil
kahte haiñ dekh dekh ke ā.īne aap se
aisā hasīñ ho koī to sau baar aa.e dil
dhokā bhī ġham bhī merī javānī bhī khā gayā
ḳhanjar khulā jo ab na miTe ishtihā-e-dil
merī kamar meñ ḳham koī bejā nahīñ 'umair'
jhuk jaa.e pusht bār-e-alam gar uThā.e dil
آدم کی مثل سینے سے نکلا ہے ہائے دل
کس نے کہا تھا سیب ذقن اس کا کھائے دل
اس بت پہ آئے دل کبھی اس بت پہ آئے دل
اچھی نہیں عمیرؔ سنبھالو ادائے دل
آب لب اور سیب ذقن ہیں غذائے دل
مر جائے گر نہ کچھ شب فرقت میں کھائے دل
چکھ لے کبھی جو ذائقۂ درد ہائے دل
تو اپنے واسطے بھی خدا اک بنائے دل
جو کھو گئے نہ ہوگی ادا پھر بہائے دل
پھرتے ہیں لے کے آپ ارے کیوں پرائے دل
جز تیرے میری جاں کسے دکھڑے سنائے دل
مشکل کشائے جاں تو تو حاجت روائے دل
کس کو جگر ہے اس سے کہے ماجرائے دل
وہ پی نہ جائے خون ارے کھا نہ جائے دل
کیا موت ہے خوشی ہوا دھک دھک کا شور بند
کیوں چپ ہے میرے مرنے پہ ماتم سرائے دل
اٹھنے پہ جانے کیسی قیامت وہ ڈھائے گا
جو شوخ لے اڑا مرا بیٹھے بٹھائے دل
اچھی ہے چھیڑ چھاڑ کہ یہ ہیں اسی لیے
دل ہے برائے حسن حسیں ہیں برائے دل
گھبرا کے اٹھ کھڑے وہ تو محشر ہوا بپا
دیتی ہے بانگ صور کا کام اک صدائے دل
کہتے ہیں دیکھ دیکھ کے آئینہ آپ سے
ایسا حسیں ہو کوئی تو سو بار آئے دل
دھوکا بھی غم بھی میری جوانی بھی کھا گیا
خنجر کھلا جو اب نہ مٹے اشتہائے دل
میری کمر میں خم کوئی بے جا نہیں عمیرؔ
جھک جائے پشت بار الم گر اٹھائے دل